300
22
19
等级4
462
0
舊同事介紹,兩個人一齊嚟咗呢間位於尖沙咀、主打新派粵菜嘅中菜館食飯聚舊。😅老實講,如果唔係同屋企人食飯或者朋友要求,其實阿叔好多時都未必會揀中菜,不過呢間中菜館無論室內裝修以至食物都實在太吸引,今次幫襯過後真心會再嚟encore!🥰🥰🥰呢間餐廳位於「一個海港只有一個海港城」入邊,目測佔地都好大,店內裝修華麗優雅😎,剩係一入門口嘅吧檯區就睇到阿叔嘩嘩聲😮,極之有氣派。呢度主打新派粵菜,款款菜式都玩味十足,非常IGable📸。除散叫外,佢哋嘅套餐更好似西餐咁分為前菜、湯品、主菜及甜品示人,確實中西合壁,好有特色。👍🏽👍🏽👍🏽🍹Voynich Secret盛宴開始前,先以呢度嘅signature drink揭開序幕!呢本cocktail以木骨花、蘋果汁🍎同檸檬汁🍋調製而成。飲之前,店員會即席喺你面前將飲品煙薰🚬,過程既吸睛,飲嘅時候亦多份煙薰味,非常特別。😊🥢前菜:🍅桂花荔枝汁漬荷蘭串茄鮮茄以桂花荔枝汁漬製,酸酸甜甜嘅味道幫你開開胃先🥟黑松露帶子餃餃子以金箔點綴,貴氣之餘亦味道濃郁🐽陳皮香草醬焗伊比利亞豚肉 以陳皮香草焗製嘅豚肉,外皮夠焦脆,內層質感嫩滑🥣爵士湯用料十足嘅湯品以石獅子造型示人
更多
舊同事介紹,兩個人一齊嚟咗呢間位於尖沙咀、主打新派粵菜嘅中菜館食飯聚舊。😅老實講,如果唔係同屋企人食飯或者朋友要求,其實阿叔好多時都未必會揀中菜,不過呢間中菜館無論室內裝修以至食物都實在太吸引,今次幫襯過後真心會再嚟encore!🥰🥰🥰

呢間餐廳位於「一個海港只有一個海港城」入邊,目測佔地都好大,店內裝修華麗優雅😎,剩係一入門口嘅吧檯區就睇到阿叔嘩嘩聲😮,極之有氣派。呢度主打新派粵菜,款款菜式都玩味十足,非常IGable📸。除散叫外,佢哋嘅套餐更好似西餐咁分為前菜、湯品、主菜及甜品示人,確實中西合壁,好有特色。👍🏽👍🏽👍🏽

🍹Voynich Secret
盛宴開始前,先以呢度嘅signature drink揭開序幕!呢本cocktail以木骨花、蘋果汁🍎同檸檬汁🍋調製而成。飲之前,店員會即席喺你面前將飲品煙薰🚬,過程既吸睛,飲嘅時候亦多份煙薰味,非常特別。😊

🥢前菜:
🍅桂花荔枝汁漬荷蘭串茄
鮮茄以桂花荔枝汁漬製,酸酸甜甜嘅味道幫你開開胃先

🥟黑松露帶子餃
餃子以金箔點綴,貴氣之餘亦味道濃郁

🐽陳皮香草醬焗伊比利亞豚肉
以陳皮香草焗製嘅豚肉,外皮夠焦脆,內層質感嫩滑

🥣爵士湯
用料十足嘅湯品以石獅子造型示人,賣相吸引。佢以龍蝦湯作底,再加入螺頭、花膠、蜜瓜、排骨等配料,味道非常清甜,實屬阿叔嘅真心推介,飲多一碗都願意!🤤

🦐鮮胡椒蟹皇焗海蝦
肉質爽口彈牙嘅海蝦以黑胡椒同秘製醬料烹調,味道濃郁,非常惹味

🥬珍菌紫玉
以椰菜包住蘿蔔絲同菇菌絲,配上南瓜醬汁作底,味道清甜,感覺健康

🍚龍蝦膏海膽炒飯
炒飯加埋龍蝦膏一齊炒,粒粒金黃色,面頭再加上海膽,咸香中帶點甘甜

🍊芝麻糊椰汁忌廉配桔仔酥
好鍾意嗰粒桔仔酥,口感煙煙韌韌,好似食緊糖不甩咁,配埋幼滑芝麻糊,為全個套餐作完美嘅總結
12 浏览
0 赞好
0 留言
50 浏览
0 赞好
0 留言
16 浏览
0 赞好
0 留言
5 浏览
0 赞好
0 留言
7 浏览
0 赞好
0 留言
15 浏览
0 赞好
0 留言
6 浏览
0 赞好
0 留言
2 浏览
0 赞好
0 留言
11 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食