影片
更多
2021-07-25
128 浏览
已經好耐冇去過樓上Cafe，本身都好小去，因為大多數都好多人，食物唔好味. 不過就一直有留意位於金雞廣場嘅Station 3 Cafe 第三站，見佢都開咗一段時間． 依然有人氣咁啱朋友想試，咁就揀佢啦! 因為我地早6:30 pm 去到時唔算多人，不過之後就成場爆滿，建議大家預早訂位． 而且好彩我地被安排咗坐係房入面，所以就算爆滿同大家係到玩Board Game 都唔會噪． 環境夠CHILL，全白既sofa，坐喺窗邊夠晒光猛． Menu 都幾多選擇，朋友唔太肚餓所以就揀咁一個Snacks + Dinner Set + 2杯野飲． Snack 蜜糖雞翼 $52 1碟有5隻每隻都大大隻，蜜糖均勻分布係雞翼上面，唔係亂用D 糖水當蜜糖，絕對唔馬虎． 外脆內鮮嫩，令人食唔停口，調味岩岩好，唔會鹹死人． Dinner Set Main Course + Drink Set D 蟹肉雜菌忌廉闊條麵 $108 Dinner Set 百幾蚊連埋杯$38嘅野飲真係好抵，計返先$6-70一個Main course． 講返個意粉先，意粉煮得啱啱好，唔會太淋． 醬汁做到包住每條意粉，蟹肉唔會腥而且份量
已經好耐冇去過樓上Cafe，本身都好小去，因為大多數都好多人，食物唔好味. 不過就一直有留意位於金雞廣場嘅Station 3 Cafe 第三站，見佢都開咗一段時間． 依然有人氣
咁啱朋友想試，咁就揀佢啦!
因為我地早6:30 pm 去到時唔算多人，不過之後就成場爆滿，建議大家預早訂位．
而且好彩我地被安排咗坐係房入面，所以就算爆滿同大家係到玩Board Game 都唔會噪．
環境夠CHILL，全白既sofa，坐喺窗邊夠晒光猛．
Menu 都幾多選擇，朋友唔太肚餓所以就揀咁一個Snacks + Dinner Set + 2杯野飲．
Snack 蜜糖雞翼 $52
1碟有5隻每隻都大大隻，蜜糖均勻分布係雞翼上面，唔係亂用D 糖水當蜜糖，絕對唔馬虎．
外脆內鮮嫩，令人食唔停口，調味岩岩好，唔會鹹死人．
Dinner Set Main Course + Drink
Set D 蟹肉雜菌忌廉闊條麵 $108
Dinner Set 百幾蚊連埋杯$38嘅野飲真係好抵，計返先$6-70一個Main course．
講返個意粉先，意粉煮得啱啱好，唔會太淋． 醬汁做到包住每條意粉，蟹肉唔會腥而且份量足夠．
Herbal Tea 花茶系列
特首 $56
馬鞭草，金盞花，歐薄荷，檸檬草 增強心臟功能，提神鎮靜緊張，消除疲勞，降肝火
花旗參蜜 $56
消除疲勞，清濕熱，降肝火，提神鎮靜緊張，鬆弛神經
細心將蜜糖水分開，自己調校甜度，而且飲得出係上花蜜，唔會燒嘢食個隻假蜜糖 花茶用咗原材料，真材實料，飲完個人都舒服哂，仲可以有得refill! 十分推介
Station 3 Cafe 第三站 ，食物一啲都唔HEA!
而且員工有HEART 唔HEA 夠哂熱誠，做嘢反應又夠快． 非常滿意令我對樓上Cafe 改觀．
张贴
