影片
更多
2019-09-02
163 浏览
今個暑假小小豬去左兩次B.Duck玩水樂園，之後又住過B.Duck主題房間，依隻豬仔對B.Duck可以話去到迷戀程度。早幾日見朋友仔分享左B.Duck嘅可愛點心相，睇見都真係即刻超心動，好想帶小小豬嚟等佢開心一下，所以就趁好姊妹約我為小小豬慶祝生日時，就嚟「德記茶樓」朝聖，食個鴨仔午餐啦~ 其實之前都知道B.Duck係澳門有一間點心餐廳，每次去澳門玩都好想去，但次次都係抽唔到時間去，終於依家佢地係旺角開新店，可以嚟食晒啲B.Duck落肚啦！一入到餐廳小小豬就已經WE WA咁聲，因為周圍都有好多打卡位，學小小豬話齋「B buck無處不在」，可愛度絕對係爆燈，好難忍到手唔狂影~ 仲將一啲香港嘅特式加入去B.Duck度添~ 唔止牆身，就連天花板都有B.Duck踪影呀~ 就連餐具都有添~ 由於依家都仍然係試業期間，所以佢地都以點心為主，部分小炒類嘅食品就未能提供。當然....我都係為B.Duck而來，所以就主攻有B.Duck圖案嘅點心啦！蓮蓉壽桃~ 招牌奶皇包~ 招牌奶皇包~ 古法馬拉糕~ 蝦餃皇~ 燒賣皇~ 上海小籠包(依個冇B.Duck都叫？
早幾日見朋友仔分享左B.Duck嘅可愛點心相，睇見都真係即刻超心動，好想帶小小豬嚟等佢開心一下，所以就趁好姊妹約我為小小豬慶祝生日時，就嚟「德記茶樓」朝聖，食個鴨仔午餐啦~
其實之前都知道B.Duck係澳門有一間點心餐廳，每次去澳門玩都好想去，但次次都係抽唔到時間去，終於依家佢地係旺角開新店，可以嚟食晒啲B.Duck落肚啦！
一入到餐廳小小豬就已經WE WA咁聲，因為周圍都有好多打卡位，學小小豬話齋「B buck無處不在」，可愛度絕對係爆燈，好難忍到手唔狂影~
仲將一啲香港嘅特式加入去B.Duck度添~
唔止牆身，就連天花板都有B.Duck踪影呀~
就連餐具都有添~
由於依家都仍然係試業期間，所以佢地都以點心為主，部分小炒類嘅食品就未能提供。當然....我都係為B.Duck而來，所以就主攻有B.Duck圖案嘅點心啦！
蓮蓉壽桃~
招牌奶皇包~
招牌奶皇包~
古法馬拉糕~
蝦餃皇~
燒賣皇~
上海小籠包(依個冇B.Duck都叫？咪就係因為小小豬係小籠包控，每次飲茶都一定要食幾粒先安落)~
蛋撻~
由於所有點心都係即叫即蒸，所以都需要等一陣先有得食(大約15分鐘左右啦)，不過亦可以趁等食嘅時間周圍影下相。
整體上食物都唔錯嘅，唔似一般主題餐廳咁只係得個樣，可以話啲點心係睇得又食得。但記得唔好影相影得太耐，因為點心係要熱熱地食先係最好食嘛~
我地兩大一小食左大約三百蚊，以主題餐廳嚟講個價錢都叫做可以接受嘅，最緊要係小小豬食得開心又飽飽嘛！
小小豬仲話等遲啲正式開張之後要帶Daddy嚟食多次，佢話可以試埋其他新菜式哦。平日話同佢去飲茶都總係唔太願意，依家又話要主動嚟，B.Duck嘅魔力真係大呀..呵呵呵！
张贴
