今次嚟到位於銅鑼灣韓國菜餐廳Bingo & Cook，由韓國人主理，食物味道正宗。餐廳用上韓國街頭布帳馬車為風格，令人好似置身喺韓國路邊大排檔一樣，好有韓國feel，佈置有韓國路牌、地鐵、店舖、電話亭、機舖、紅綠燈等，到處都係打卡位。餐廳位置方便就腳，環境舒適闊落，同朋友喺度傾計食飯好有氣氛。
1小時無限任食醬油蟹
最近餐廳推出$199/1小時任食醬油蟹。除咗蟹油蟹，仲可以任食炸雞、年糕香腸串、紫菜飯、韓式炒牛肉、大醬湯同埋炸餃子，另外仲有汽水供應，性價比好高。
醬油蟹
第一碟雌蟹肥美多膏，鮮濃飽滿，口感滑嫩Creamy，用嚟拌飯一流，難怪有白飯神偷嘅稱號，其後第二碟可以向店員無限追加任食雄蟹，雄蟹蟹肉比較飽滿，加上醬油鹹香帶甜，同樣好適合拌飯。
炸雞
炸雞外表金黃酥脆，而且係無骨啖啖肉，食落好方便，內裏Juicy有肉汁。
韓式炒牛肉
牛肉味道鹹鹹甜甜，帶有芝麻醬汁香同埋洋蔥甜味，牛肉質感軟嫩多汁。
年糕香腸串
韓式年糕口感煙靭，帶有醬料嘅甜辣味道，搭配味道鹹香香腸，係經典嘅韓國街頭小食。
