新貴記粥品店

【 香滑綿綿的粥 】

好鍾意長沙灣老字號的新貴記粥品店，由細食到大，咁多年都係咁好味，職員做嘢又勁快手。我每次外賣拎番屋企食都會預先打去落定單，之後再落樓拎，時間就會啱啱好，職員已經包好俾我，又會幫我加好醬料。

今日我叫左兩碗滑肉粥，一盒炒麵，一碟腸粉和一條油炸鬼。

滑肉粥好綿好滑，仲有勁多肉，每塊都好林好好味，再配埋香脆的油炸鬼食，好夾！腸粉加埋甜醬和甜豉油一齊食就最正！炒麵好大盒，但忘記加甜醬，味道有少少啖。