影片
以上资料只供参考，请与餐厅确认详情
港岛d粥店食得七七八八，今朝就坐车过海试下九龙d粥店，于是就嚟到长沙湾呢间位于营盘街既新贵记粥品店。一早六点零就到，已经有几枱街坊客食紧早餐，我就揾张空枱坐低，就点咗艇仔粥同埋滑牛肠，$43蚊。艇仔粥d料得六成左右，味道偏清淡，碎牛冇乜味道，滑牛肠反而足料，但味道一般，d头油调得未够好，同碟肠粉产生唔到化学作用。口味：🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚🥚
继续阅读
第一次写评语，整体食物唔可以话好好，不过不失，店内环境都旧，疫情后多数都叫外卖，当到达时叫外卖，叫左碗粥，见姐姐忙紧，忙紧意思都不是全店客满，见佢整紧炒面比客人，就等佢正在帮我打包碗粥时，就再叫多个肠粉同油条，姐姐放左肠粉入盒，我话要加酱，佢就系到话叫完一样又一样，吾一早讲，就话麻（很）烦，虽然佢系面向煮粥方向讲，不是对住我讲，可能以为我听吾到，系附近住左20多年，虽然不是经常帮衬，但都不会再去😤😤
继续阅读
今日病病地去新贵记食粥，叫了个鱼片艇仔粥，十分足料，鱼片好多、粥好绵、干鱿鱼一流，加埋花生、葱，对病人来说，友善餐，但系个粥有些咸，唔知系味精重手得济，但材料足，最重要系便宜，$25🤣🤣
继续阅读
是日深水埗吃早餐来个中式粥品，传统粥店买少见少，从Openrice得知附近有数家粥店，最后选了这一家，因好评较其他的多。点了碎牛粥及炸两，突然见到有煎堆新鲜炸起，正所谓可遇不可求，所以立即点一个，一尝新鲜煎堆的味道。看见很多人说这家店的粥很绵，我吃过后觉得不是不绵但又没有想像中的绵。炸两比想像中大份，油条不脆和温度是室温乃意料中事。新鲜炸好的煎堆果然不同，外皮烟韧内层软身，而且芝麻好香，不过老实说，新鲜的东西就是好味道。
继续阅读
【 香滑绵绵的粥 】好钟意长沙湾老字号的新贵记粥品店，由细食到大，咁多年都系咁好味，职员做嘢又劲快手。我每次外卖拎番屋企食都会预先打去落定单，之后再落楼拎，时间就会啱啱好，职员已经包好俾我，又会帮我加好酱料。今日我叫左两碗滑肉粥，一盒炒面，一碟肠粉和一条油炸鬼。滑肉粥好绵好滑，仲有劲多肉，每块都好林好好味，再配埋香脆的油炸鬼食，好夹！肠粉加埋甜酱和甜豉油一齐食就最正！炒面好大盒，但忘记加甜酱，味道有少少啖。
继续阅读