影片
更多
2023-05-03
24 浏览
本身都好鍾意食永年車仔麵，湯底濃味，配料入味又多選擇。去沙田竟然見到有永年都夠驚喜，原來係新開張，去到見到有人食鐵板，香到自己都心思思想試. 最後就決定唔食車仔麵，試吓鐵板餐，二人餐包埋餐湯、小食同飲品，計落都幾抵添！💡慢煮鐵板2人套餐 $396 (+$40 升級SRP和牛肉眼芯)💡招牌港式牛尾羅宋湯 & 周打蜆肉魚湯紅湯酸辣酸辣咁好開胃，牛尾都有幾舊，好腍又有牛肉味。白湯係蜆肉魚湯，湯底都幾濃厚，蜆肉都有4 - 5 舊，仲要唔係雪藏味超勁個隻，都算係幾驚喜。💡SRP和牛肉眼芯 配黑椒汁鐵板上有一塊和牛肉眼、炸麵、西蘭花同黑椒汁，店員仲喺你眼前倒汁，遇到鐵板即刻「吱吱喳喳」，黑椒汁同牛肉嘅香氣四散，真係流晒口水。叫左5成熟，有洋蔥墊底，所以鐵板冇直接加熱，冇過熟，係剛剛好嘅粉嫩。一咬落係好腍，果然係和牛級別，又夠大塊，成10安士。炸麵沾咗汁好脆口。💡美國安格斯封門柳 配永年招牌辣椒汁封門柳比起和牛肉眼最大分別，就係牛味，又唔會騷，5成熟唔會韌。開頭以為辣椒汁係是拉差個隻紅當當嘅汁，自己唔敢叫，朋友叫咗，發現係燒汁味嘅底，再加一種港式辣味，又幾襯食牛㗎喎，都幾有驚喜。💡 小食：懷舊蝦多士
💡慢煮鐵板2人套餐 $396 (+$40 升級SRP和牛肉眼芯)
💡招牌港式牛尾羅宋湯 & 周打蜆肉魚湯
紅湯酸辣酸辣咁好開胃，牛尾都有幾舊，好腍又有牛肉味。白湯係蜆肉魚湯，湯底都幾濃厚，蜆肉都有4 - 5 舊，仲要唔係雪藏味超勁個隻，都算係幾驚喜。
💡SRP和牛肉眼芯 配黑椒汁
鐵板上有一塊和牛肉眼、炸麵、西蘭花同黑椒汁，店員仲喺你眼前倒汁，遇到鐵板即刻「吱吱喳喳」，黑椒汁同牛肉嘅香氣四散，真係流晒口水。叫左5成熟，有洋蔥墊底，所以鐵板冇直接加熱，冇過熟，係剛剛好嘅粉嫩。一咬落係好腍，果然係和牛級別，又夠大塊，成10安士。炸麵沾咗汁好脆口。
💡美國安格斯封門柳 配永年招牌辣椒汁
封門柳比起和牛肉眼最大分別，就係牛味，又唔會騷，5成熟唔會韌。開頭以為辣椒汁係是拉差個隻紅當當嘅汁，自己唔敢叫，朋友叫咗，發現係燒汁味嘅底，再加一種港式辣味，又幾襯食牛㗎喎，都幾有驚喜。
💡 小食：懷舊蝦多士 & 蒜蓉炒意粉 & 檸檬茶王
好耐冇食蝦多士，一見到就好想食。蝦膠好香，麵包炸得好脆，夾埋真係幾好食。叫多左個蒜蓉炒意粉，撈埋啲醬咁食~仲叫左兩杯檸檬茶，夠濃味先好飲！
有時港式扒嘅質感同味道都幾令人懷念，同西餐嘅扒係唔同的！呢間茶冰廳環境都幾好，喺新城市地下，所以樓底都幾夠高。
张贴
