影片
更多
2021-11-28
73 浏览
星期六同男友去旺角staycation，悠悠閒閒又見天氣凍冰冰就想打邊爐，於是同佢一齊試吓大家都未食過嘅台灣無限時任食火鍋放題❣️店內環境乾淨舒服，可以坐沙發卡位慢慢食，仲有聖誕節裝飾添🎅🏼～而最貼心嘅係外面除咗有自助醬料區，飲品係有分凍同暖，好窩心吖💕不過要留意嘅係，呢度嘅一份配料份量頗多，一碟肉有約8至10片，而部份丸類同餃子每份都有3粒，如果2個人去食就要因應返份量落單喇😙✨另外，每枱仲會送一份黃金地瓜條，附有4種口味嘅shake粉，包括蕃茄、海苔、麻辣同甘酶粉，趁啲野食未煮熟，可以試住呢份香口小食先🍟✨以下為大家重點推介12款❤️❤️❤❤❤美味指數嘅必試湯底、配料、飲品與甜品🤤✨✍🏻 / 湯底：藥膳花膠雞涮涮鍋Menu有成19款台灣養生涮涮鍋湯底揀，款款都好吸引，最後對藥膳有啲情意結嘅我揀咗藥膳花膠雞涮涮鍋！嚟到好大一鍋，未滾已經見到好多材料，有花膠、紅棗、杞子、洋蔥、滑雞脾肉、豆卜、 粟米⋯未落配料已經急不及待試吓佢啲滑雞脾肉，真係又滑又好味，食落好滋補，突然感覺好似食緊養生嘅雞煲咁～重點係個煲有好多舊花膠，女仔食吓順便養顏，同樣鐘意藥膳嘅人可以一試🐓✨✍🏻 / 配料：Prime
店內環境乾淨舒服，可以坐沙發卡位慢慢食，仲有聖誕節裝飾添🎅🏼～而最貼心嘅係外面除咗有自助醬料區，飲品係有分凍同暖，好窩心吖💕不過要留意嘅係，呢度嘅一份配料份量頗多，一碟肉有約8至10片，而部份丸類同餃子每份都有3粒，如果2個人去食就要因應返份量落單喇😙✨另外，每枱仲會送一份黃金地瓜條，附有4種口味嘅shake粉，包括蕃茄、海苔、麻辣同甘酶粉，趁啲野食未煮熟，可以試住呢份香口小食先🍟✨
以下為大家重點推介12款❤️❤️❤❤❤美味指數嘅必試湯底、配料、飲品與甜品🤤✨
✍🏻 / 湯底：藥膳花膠雞涮涮鍋
Menu有成19款台灣養生涮涮鍋湯底揀，款款都好吸引，最後對藥膳有啲情意結嘅我揀咗藥膳花膠雞涮涮鍋！嚟到好大一鍋，未滾已經見到好多材料，有花膠、紅棗、杞子、洋蔥、滑雞脾肉、豆卜、 粟米⋯未落配料已經急不及待試吓佢啲滑雞脾肉，真係又滑又好味，食落好滋補，突然感覺好似食緊養生嘅雞煲咁～重點係個煲有好多舊花膠，女仔食吓順便養顏，同樣鐘意藥膳嘅人可以一試🐓✨
✍🏻 / 配料：Prime Grade美國安格斯牛肉
牛肉切薄片，肉質軟嫩，一份有約8至10片，建議唔係食到好多肉嘅話，可以先各叫一份再追加，咁就可以試多啲其他配料😋✨
✍🏻 / 配料：沙茶牛肉
認真～呢份配料啲牛肉仲好味過Prime Grade美國安格斯牛肉，相對較厚片，肉質同樣軟嫩，醃得好香，煮完仲食到醃料嘅香味🐂✨
✍🏻 / 配料：是日精選海鮮
我哋食當日嘅精選海鮮有蟶子同蜆，真係精選冇講錯，2種海鮮都超鮮甜。雖然細細粒，但啲肉係好肥美，漲卜卜！呢個真係必食首選，有驚喜☺️✨
✍🏻 / 配料：白鱔片
平時都鐘意魚片打邊爐，白鱔片雖然有小小骨，但食落爽滑鮮脆🐟✨
✍🏻 / 配料：足八吋長蟹棒
超長蟹棒，2個人叫1份2條夠㗎喇～係回本配料之一🦀✨
✍🏻 / 配料：手工黑松露墨魚滑
呢款極力推薦！墨魚滑平時食開，不如試試新口味，加上黑松露一樣夾。淡淡黑松露味道冇蓋過墨魚香，墨魚滑夠曬爽滑😋✨
✍🏻 / 配料：墨汁香腸
嚟到食台灣火鍋點可以唔叫吓啲台灣特色配料？呢份係黑媽媽嘅香腸，係台灣香腸加墨汁，好味！平時鐘意食台灣腸嘅人記得試試👍🏻✨
✍🏻 / 配料：午餐肉
午餐肉雖然唔係特別有台式風味，但必須榜上有名，係我打邊爐必食嘅配菜之一。而且呢度切到厚度適中，食落滿足之餘唔會厭🥳✨
✍🏻 / 配料：台灣凍豆腐
不嬲鐘意食豆類嘅我，叫豆腐都係必須的！平時媽媽煲魚湯啲豆腐好多窿窿，吸曬湯汁，我勁鐘意食。而呢款凍豆腐姐係蜂巢豆腐，同樣好多窿窿，吸曬藥膳湯底正👍🏻✨
✍🏻 / 飲品：黑糖冬瓜檸檬茶
之前去台灣都會飲冬瓜茶。呢樽黑糖冬瓜甜度啱啱好，加埋檸檬茶，邊飲邊食，感覺冇咁熱氣😛✨
✍🏻 / 甜品：Dreyer’s 焙茶扭紋脆筒
呢度甜品有Dreyer’s、Häagen-Dazs、Movenpick同雀巢揀，每人限叫一款。由於去到尾聲我哋已經食到太飽（再次強烈建議每樣配菜叫1份就好），所以只係試咗呢款脆筒。脆筒表層有好多堅果粒，焙茶味香濃，打到咁上下邊爐再食一啖，口腔清新返又可以再戰，正🤣💕
💬派心心時間
💵埋單價錢：HK$554.8/2人
（已扣7:30pm前離座優惠減HK$123.2）
▪️美味：❤️❤️❤❤❤
▪️抵食：❤️❤️❤❤🤍
▪️服務：❤️❤️❤️❤️🤍
▪️環境：❤️❤️❤❤️❤️
张贴
