影片
更多
2022-12-27
1534 浏览
【📍尖沙咀 日本菜 － A4和牛壽喜燒 ｜ 🈴格 👀期望更多】去之前本身想睇吓Openrice，參考有咩值得食，點知評價都幾兩極。唔知係平日夜晚少人，出貨冇lunch time咁趕，定避開咗啲易伏嘅嘢，整體算係可以接受嘅～💡帯広はげ天名物天婦羅餅丼定食 $178天婦羅餅有蝦、三文魚、蔬菜，上菜時唔算太熱，炸皮都算脆，食食下仲有啲油咁。估都估唔到，最好食竟然係天婦羅餅下面個飯同天婦羅汁，呢度嘅天婦羅汁甜甜地又調到好有鮮味，朋友都一致認同～💡燒松藥蟹肉蟹味噌伴法包 $108賣相真係幾日系，細細個鐵鍋喺度燒，去到咁上下店員會幫手打開。本身好鍾意食蟹，所以都幾期待。𢳂起少少放上多士到食，蟹膏有啲太腥，濃味到食唔到蟹肉咩味，多士係脆，但食完真係覺得冇咩特別，少少失望。💡A4和牛壽喜燒 $408本身就好鍾意壽喜燒，湯底好甜，配菜一路煮，湯底就慢慢變得更甜。本身個底有少少粉絲，係粗身啲嘅，索晒啲湯真係好好味。主角A4和牛，得4塊3個人分，認真有啲唔夠喉，不過大大塊索晒壽喜燒嘅甜味，再點啲蛋漿，有牛味又柔軟，質感細嫩。另外再加咗個烏冬，都係急凍彈牙烏冬，食落當然就正喇！💡和風燒蝦餅 ＄48不過不失，有
去之前本身想睇吓Openrice，參考有咩值得食，點知評價都幾兩極。唔知係平日夜晚少人，出貨冇lunch time咁趕，定避開咗啲易伏嘅嘢，整體算係可以接受嘅～
💡帯広はげ天名物天婦羅餅丼定食 $178
天婦羅餅有蝦、三文魚、蔬菜，上菜時唔算太熱，炸皮都算脆，食食下仲有啲油咁。估都估唔到，最好食竟然係天婦羅餅下面個飯同天婦羅汁，呢度嘅天婦羅汁甜甜地又調到好有鮮味，朋友都一致認同～
💡燒松藥蟹肉蟹味噌伴法包 $108
賣相真係幾日系，細細個鐵鍋喺度燒，去到咁上下店員會幫手打開。本身好鍾意食蟹，所以都幾期待。𢳂起少少放上多士到食，蟹膏有啲太腥，濃味到食唔到蟹肉咩味，多士係脆，但食完真係覺得冇咩特別，少少失望。
💡A4和牛壽喜燒 $408
本身就好鍾意壽喜燒，湯底好甜，配菜一路煮，湯底就慢慢變得更甜。本身個底有少少粉絲，係粗身啲嘅，索晒啲湯真係好好味。主角A4和牛，得4塊3個人分，認真有啲唔夠喉，不過大大塊索晒壽喜燒嘅甜味，再點啲蛋漿，有牛味又柔軟，質感細嫩。另外再加咗個烏冬，都係急凍彈牙烏冬，食落當然就正喇！
💡和風燒蝦餅 ＄48
不過不失，有一兩塊散散地，味道上冇咩特別，就係平時嘅蝦餅味。
💡五日市豚腩片蔥卷 ＄45
豚腩片滲出油香，蔥吸收晒肉汁，包住嚟食係唔錯。
朋友搭咗杯柚子酒，柚子好濃好甜，同酒分開咗兩層味。我點咗杯啤酒，襯晒壽喜燒。呢個價位會expect更多，感覺好似有少少虛張聲勢，好在個壽喜燒算係唔錯，全晚都係合格啦～
张贴
