影片
更多
2023-09-14
37 浏览
其實都唔係第一次食😚 之前慶祝男朋友生日都試過佢哋午餐，老闆仲幫手熄燈播生日歌，嘢食好味又精緻，留低咗個唔錯嘅印象。今次再帶屋企人嚟食晚餐，當晚平日夜晚都幾乎滿座。💡入門廚師發辦套餐 (五道菜) 甜品]💡三文魚黑魚子醬沙律三文魚鮮甜配上魚子醬嘅鹹香，令到三文魚更有鮮味，同填補咗豉油嘅角色。沙律菜配意大利黑醋夠晒開胃。龍珠果酸酸甜甜，調和返黑醋嘅味道💡海鮮 (帶子 x 東星斑 & 黑松露扇貝 x 白膳)帶子面頭有魚子醬，補足咗鹹味，下面係意大利黃瓜，配埋軟腍腍嘅帶子，食落黃瓜嘅甜味同口感都令到每一啖更有趣，兩隻都好夾，帶子嘅肉汁都令到黃瓜更鮮甜。東星班煎得外皮香脆，內裏剛剛好。碟邊有柚子黑醋同蝶豆花泡泡，柚子令到重味嘅黑醋冇咁強烈，酸甜味提升魚嘅鮮味，蝶豆花以泡嘅方式取替醬料，食落唔只有味仲好輕盈。扇貝好大塊黑松露味好香，唔需要點上任何汁都夠好食，白膳好新鮮，肉質超彈牙。💡鐵板海鮮 (牛 & 雞)澳洲牛柳燒至5成熟，咬開入面係粉嫩嘅顏色，點上手磨嘅wasabi，唔同平時食嘅好攻鼻好辣個隻，呢隻溫和得唛，少少嘅辣味更加提升肉嘅鮮味。個人都好鍾意個蒜片，脆而不硬，唔係新鮮炸好同唔夠乾爽好易會
💡入門廚師發辦套餐 (五道菜) [沙律 + 海鮮兩品 + 鐵板肉類一品 + 炒飯 + 甜品]
💡三文魚黑魚子醬沙律
三文魚鮮甜配上魚子醬嘅鹹香，令到三文魚更有鮮味，同填補咗豉油嘅角色。沙律菜配意大利黑醋夠晒開胃。龍珠果酸酸甜甜，調和返黑醋嘅味道
💡海鮮 (帶子 x 東星斑 & 黑松露扇貝 x 白膳)
帶子面頭有魚子醬，補足咗鹹味，下面係意大利黃瓜，配埋軟腍腍嘅帶子，食落黃瓜嘅甜味同口感都令到每一啖更有趣，兩隻都好夾，帶子嘅肉汁都令到黃瓜更鮮甜。東星班煎得外皮香脆，內裏剛剛好。碟邊有柚子黑醋同蝶豆花泡泡，柚子令到重味嘅黑醋冇咁強烈，酸甜味提升魚嘅鮮味，蝶豆花以泡嘅方式取替醬料，食落唔只有味仲好輕盈。扇貝好大塊黑松露味好香，唔需要點上任何汁都夠好食，白膳好新鮮，肉質超彈牙。
💡鐵板海鮮 (牛 & 雞)
澳洲牛柳燒至5成熟，咬開入面係粉嫩嘅顏色，點上手磨嘅wasabi，唔同平時食嘅好攻鼻好辣個隻，呢隻溫和得唛，少少嘅辣味更加提升肉嘅鮮味。個人都好鍾意個蒜片，脆而不硬，唔係新鮮炸好同唔夠乾爽好易會難咬，脆蒜片再襯肉更有口感，牛肉質感好嫩！仲有竹炭鹽補足鹹味，又襯返燒物嘅香氣。超喜愛！
宮城縣厚切黑豚扒
切落好軟熟，咬咗一啖嚇一嚇，真係太彈牙。旁邊都唔少得呢度自家製醬料，綠色嘅係辣菜汁，一點點係蒜蓉牛油醬，鍾意辣又得，香甜又得。辣菜汁比想像中辣，但我都幾鍾意，本身唔鍾意食豬，口感好實，我好容易就會覺得膩，但試咗屋企人點嘅豚肉加辣菜汁就勁開胃。
💡炒飯
炒飯嘅豉油見佢倒出嚟幾杰身，問一問先知連醬油都係自己煮，想唔好太鹹又保留到鮮味。飯粒好香蛋味，有飯落肚唔怕會餓。
💡紫薯雪葩配紅豆爆珠
真係處處見心思，紅豆爆珠都係自家出品，煮完紅豆沙再整成爆珠，紫薯底真係好香甜，紅豆爆開好襯紫薯，口感又有趣。題外話，上次係焦糖多士做甜品，我自己都超鍾意，又脆又甜。
💡$5隻蠔
忍唔住點咗半打，又肥又鮮甜，入口好creamy。當日本身下晝就賣晒，夜晚食食下見到有貨送到，都即刻俾大家落單同整俾大家食。
💡麒麟生啤 $88 買一送一
屋企人飲唔到清酒，唯有叫杯啤酒啦～依家做緊買一送一！
张贴
