馬泰

营业中

休息中

行過西環水街見到「馬泰」個招牌，即刻俾佢陣陣椰香吸引住！🌟今次試咗厚切雞扒摻摻喇沙，個湯底濃到似吉隆坡街頭風味，椰奶同蝦醬完美配合，飲一啖即刻想飛去馬來西亞！雞扒厚到成寸，外皮脆卜卜，肉質嫩滑到爆汁，摻埋油麵同米粉雙重口感，正到痺！🌟馬來牛腩椰漿飯都唔輸蝕，牛腩炆到淋晒，入口即化，配埋班蘭香嘅椰漿飯同參巴醬，辣辣哋超開胃！🌟炒秋葵爽脆唔黏，鑊氣十足，完全冇草青味～🤩最過癮係杯Ma Thai魔術梳打！倒落冰杯會由藍變紫，打卡呃like無難度📸 味道清新帶少少荔枝香，解膩一流！餐廳裝修仲好有娘惹風情，坐低即刻feel到南洋風味～