順流冰室 (已結業)

灣仔茶餐廳唔一定係「x嫂」或「檀x」基本上果啲出晒名既都唔好算好食呢間茶記在莊士敦道樓高兩層門口燈光招牌同蛋撻櫃都好搶眼😄入到去唔使行上一層樓下剛剛有卡位發現好多食客一個人可能已經當係飯堂啦我地兩個人都食左4樣野！招牌即焗豬扒飯 ($68)⭐️⭐️⭐️⭐️⭐️無諗過咁高水準因為一上檯已經聞到香噴噴🍅味上面有一層微燶芝士焗飯炒底都有，是必須的塊豬扒一拎起就拉出芝士來！豬扒應該剛煎脆再焗因為豬扒係脆邊好有驚喜呀！！蕃茄醬一啲都唔酸真係食過番尋味-------------------------大大隻炸脾 ($35)⭐️⭐️⭐️⭐️⭐️雞脾超大隻炸到脆卜卜好好味呀😋醃料好入味晚餐配埋炸薯條 ($25)覺得好邪惡呢😈跟獨立包裝茄汁唔會好似一支茄汁咁痴笠笠-------------------------三餸車仔麵 ($48起)⭐️⭐️⭐️⭐️⭐️牛腩+豬紅+墨丸米線 加咖喱汁呢間茶記的車仔麵仲好食過車仔麵鋪頭咖喱汁係精華所在食豬紅時特別香濃惹味墨丸彈牙值得推薦平時墨魚丸餸係要加錢架牛腩非常軟冧好入味最緊要有得揀米線！下次會想試下過黎食早餐因為見都有好多選擇我一定會再食佢個豬扒因為第二度食唔到咁好味！