蠔站 (青衣城) (已結業)

呢間食蠔嘅店有多間分店，較早前去咗青衣，見有下午茶就幫襯一下。店舖都幾大下㗎，座位唔算密。環境唔錯，坐得舒適。窗外嘅景都幾好，唔介意路人望你嘅，坐窗口都幾正。如果平日黎食係唔錯，想有咩類型都有，當然都係主要食蠔。下午都算抵，我地叫咗兩個餐再叫半打蠔，120元有6隻。係新鮮，唔算肥美，味道可以。牛柳粒扁意粉，味道一般，牛肉較靱，汁可以再多啲。呢個黑豚肉絲漢堡都可以，但就乾左小小。坐熱奶嘅個值得讚一讚，係幾有心思。