影片
更多
2025-04-09
38 浏览
今次同朋友去咗一間隱藏喺鬧市嘅居酒屋，試咗佢哋嘅二人套餐（$650)，真係幾抵食，份量足之餘，每道菜都做得精緻有心思，絕對係高質日料之選～ 入邊都裝修得好cozy✨前菜三品🍣 芥辣八爪魚 八爪魚爽口彈牙，芥辣醬汁微微刺激但唔會太攻鼻，好開胃！ 🔥 炙燒北海道帆立貝帆立貝超大粒！表面輕輕炙燒過，帶出鮮甜味，檸檬汁就更加提香🐟 炙燒三文魚三文魚油脂豐富，炙燒後魚油香更突出，入口即化✨逸品料理🍢 唐揚炸豆腐 外皮超脆，入面豆腐嫩滑！蘸埋鰹魚湯汁，鹹香得嚟唔油膩🍗 柚子蜜糖雞翼雞翼炸得香脆，柚子蜜糖醬酸甜平衡，仲帶少少柚子皮清香，食完想encore🥹✨太卷兩款🥩 壽喜燒牛肉太卷 牛肉軟嫩，壽喜燒醬汁甜香，卷住日本米飯，仲有少少洋蔥絲增加口感🥑 牛油果忌廉芝士太卷牛油果creamy，忌廉芝士微鹹，配埋青瓜絲同蟹籽，口感豐富又清新✨串燒四選 🍗 紫蘇雞腿肉 雞腿肉超Juicy！紫蘇葉嘅香氣好突出，帶少少甜醬油調味，簡單但好食🍠 明太子山藥山藥爽脆，明太子醬鹹香，燒過之後更惹味🥓 金菇肥牛卷肥牛包住金菇，燒到微微焦香，金菇吸晒牛肉嘅油脂，超香口 🍳 溏心蛋豚肉卷豚肉包住半熟溏心蛋，一切開蛋
✨前菜三品
🍣 芥辣八爪魚
八爪魚爽口彈牙，芥辣醬汁微微刺激但唔會太攻鼻，好開胃！
🔥 炙燒北海道帆立貝
帆立貝超大粒！表面輕輕炙燒過，帶出鮮甜味，檸檬汁就更加提香
🐟 炙燒三文魚
三文魚油脂豐富，炙燒後魚油香更突出，入口即化
✨逸品料理
🍢 唐揚炸豆腐
外皮超脆，入面豆腐嫩滑！蘸埋鰹魚湯汁，鹹香得嚟唔油膩
🍗 柚子蜜糖雞翼
雞翼炸得香脆，柚子蜜糖醬酸甜平衡，仲帶少少柚子皮清香，食完想encore🥹
✨太卷兩款
🥩 壽喜燒牛肉太卷
牛肉軟嫩，壽喜燒醬汁甜香，卷住日本米飯，仲有少少洋蔥絲增加口感
🥑 牛油果忌廉芝士太卷
牛油果creamy，忌廉芝士微鹹，配埋青瓜絲同蟹籽，口感豐富又清新
✨串燒四選
🍗 紫蘇雞腿肉
雞腿肉超Juicy！紫蘇葉嘅香氣好突出，帶少少甜醬油調味，簡單但好食
🍠 明太子山藥
山藥爽脆，明太子醬鹹香，燒過之後更惹味
🥓 金菇肥牛卷
肥牛包住金菇，燒到微微焦香，金菇吸晒牛肉嘅油脂，超香口
🍳 溏心蛋豚肉卷
豚肉包住半熟溏心蛋，一切開蛋汁流出嚟，配埋燒香嘅豚肉，邪惡但超滿足😌
✨主菜二選一
有鰻魚炒飯同埋壽喜燒炒烏冬揀🍜 壽喜燒牛脊肉炒烏冬（我哋揀咗呢個）
牛脊肉嫩滑，壽喜燒醬汁甜度剛好
✨甜品
🍮 烏龍茶牛奶布甸
烏龍茶茶香濃郁，布甸口感滑溜，甜度適中，雲呢拿雪糕加埋焦糖脆餅好夾🤙🏻食完咁多嘢之後嚟個清新結尾🫶🏻
呢個二人套餐前菜、串燒、主食同甜品樣樣有，味道亦冇令人失望，尤其係串燒同太卷做得特別出色！環境有居酒屋嘅 cozy 感覺，服務亦周到，絕對係同朋友傾偈食嘢嘅好地方😋👍🏻
✨另外Cocktail都有好多選擇，有選擇困難嘅仲可以擲骰仔揀
✨Maple Hunter $128
果味之選，甜度較高，適合唔好重酒味嘅人
✨Karakusa Luck $138
好香嘅Gin，清新帶酒香嘅Cocktail，微醺之選🍸
张贴
