影片
更多
2023-09-09
62 浏览
最近想喺銅鑼灣食放題諗起𤅗豐放題料理專門店，位置方便就腳，𤅗豐有多達180種港日泰菜式混合放題，款式豐富，仲有前菜、甜品飲品自助區，啱晒想試唔同菜式嘅朋友。環境方面，放題嚟講幾舒適闊落，坐得幾舒服。另外呢度用QR code落單，方便又環保，而且上菜嘅速度幾快，店員幾好禮貌，唔怪之得夜晚爆場。今次我哋揀咗晚市放題6:00pm-8:00pm (星期一至四） $259（+$138 ）升級任食即開生蠔同埋海膽帶子。刺身拼盤拼盤上枱時噴曬煙好澎湃吸睛，魚生刺身豐盛，種類好多，包括有三文魚、赤蝦、醬油吞拿魚、希靈魚、油甘魚、赤貝、八爪魚、冰山蚌、鮑片、北海道角螺等。每款刺身都好新鮮，三文魚腩肉質肥美；赤蝦新鮮大隻，肉質爽彈，蝦頭仲有唔少蝦膏；冰山蚌肉質飽滿，口感鮮嫩爽脆。海膽帶子將海膽夾喺帶子裏面，帶子粒粒鮮甜彈牙，海膽呈金黃色，味道甘甜，口感creamy，入口即溶，兩者加埋一齊好鮮美。生蠔每隻生蠔都好大隻同埋新鮮，餐廳定期喺唔同國家進口新鮮生蠔，今次嘅生蠔帶有少少海水味，肉質鮮嫩，蠔味好重，味道鹹鮮甜美。泰式料理除咗日式料理外，仲有泰式料理，熟食方面點咗飛天通菜，通菜翠綠，新鮮爽嫩，味道微辣，好
今次我哋揀咗晚市放題6:00pm-8:00pm (星期一至四） $259（+$138 ）升級任食即開生蠔同埋海膽帶子。
刺身拼盤
拼盤上枱時噴曬煙好澎湃吸睛，魚生刺身豐盛，種類好多，包括有三文魚、赤蝦、醬油吞拿魚、希靈魚、油甘魚、赤貝、八爪魚、冰山蚌、鮑片、北海道角螺等。每款刺身都好新鮮，三文魚腩肉質肥美；赤蝦新鮮大隻，肉質爽彈，蝦頭仲有唔少蝦膏；冰山蚌肉質飽滿，口感鮮嫩爽脆。
海膽帶子
將海膽夾喺帶子裏面，帶子粒粒鮮甜彈牙，海膽呈金黃色，味道甘甜，口感creamy，入口即溶，兩者加埋一齊好鮮美。
生蠔
每隻生蠔都好大隻同埋新鮮，餐廳定期喺唔同國家進口新鮮生蠔，今次嘅生蠔帶有少少海水味，肉質鮮嫩，蠔味好重，味道鹹鮮甜美。
泰式料理
除咗日式料理外，仲有泰式料理，熟食方面點咗飛天通菜，通菜翠綠，新鮮爽嫩，味道微辣，好有鑊氣，口感一流，仲要encore左四碟，呢度嘅泰式炒菜值得推介；乾炒泰式金邊粉味道酸酸甜甜，麵質煙靭，好有泰國風味；冬陰公蝦湯每碗有隻彈牙嘅蝦，湯頭味道酸酸辣辣好惹味。
手卷
海膽甘蝦三文籽手卷，海膽甘甜，中間嘅甘蝦份量好多，口感彈牙；軟殼蟹手卷，軟殼蟹炸至金黃香脆，加埋蟹籽口感豐富，微暖嘅飯粒配上香脆嘅軟殼蟹，一軟一脆味道好夾。
燒物
泰式燒元貝大隻厚肉，加咗蒜蓉提鮮，元貝惹味彈牙；炭燒豬頸肉Juicy，口感焦脆；串燒沙嗲雞肉燒至微焦好香口，肉質嫩滑；七味雞軟骨粒粒都口感香脆；和味一口牛，一口牛啱啱好，牛肉味濃，肉質軟嫩。
松葉蟹杯
蟹杯上面放滿松葉蟹肉、裏面仲有蟹籽同埋蟹膏，雖然細細杯但好足料，蟹肉肉質鮮美，蟹籽爽口，配埋蟹膏食好惹味。
涼菜
冷盤口水雞皮爽肉滑，微辣香口；尖椒皮蛋晶瑩剔透，口感彈滑，食落微辣好開胃；另外自助區可以拎涼拌海蜇絲、中華沙律、芝麻八爪魚、泰式酸辣鳳爪、付味螺肉等等小食，全部屬於開胃前菜，好吸引。
飲品
飲品種類繁多，韓國嘅罐裝飲品好多選擇，有樂天忌廉溝鮮奶，口感香甜順滑，仲有芒果汁、鮮蘆汁薈、 Frais Jus 橙汁等，另外有香港嘅維他檸檬茶、菊花茶、道地茶類飲品同埋楊協成飲品，仲有幾款唔同品牌嘅啤酒。
甜品
自助區嘅甜品種類多，有香港製造嘅CoCo Berry雪糕，有雲呢拿、朱古力、咖啡等口味，另外有蛋糕切餅、糯米糍、布甸、百福豆腐花等提供，食完甜品為今次放題畫上完美嘅句號，好滿足。
张贴
