Nutmad (已搬遷) 新店位置

又黎到nutmad，今次食6月嘅餐牌，希望有新嘢可以試。我食煙三文魚黑芝麻醬意大利麵，成碟都係我鍾意食嘅嘢食。如果呢個有一樣你唔鍾意或感麻麻地嘅，我建議唔好點，你可能會覺得會伏。成碟我個人覺得獨立分開味道係ok，但係拼埋一齊就唔係好夾。煙三文魚唔錯，都算好味，唔會太熟。黑芝麻醬就濕左小小，其實係香口，不過始終同意粉唔多夾到。坦白講，唔知係咪多人食咗，廚師唔夠，明顯份量比起之前黎係少咗。同事叫我上次食嘅卡邦尼，但係個蛋汁無咁結同可口，有小小濕，味道就爭小小啦。之前上個月如果兩個人唔駛book位都有位，依家即日book都有機會無。如果真係想試嘅話都係早一日就去book，咁會穩陣啲。