影片
更多
2015-05-25
471 浏览
觀塘除了工廈開餐之外，還有什麼選擇呢？唔想迫在商場等待長長的人龍那就可以走遠一點路來到鴻圖道吃杏花樓火鍋，一班人就夠哂齊哇哇啦！（左）一堆調味料俾大家自行發揮混醬功力，個人黎講有炸蒜、蔥、幾粒辣椒就夠啦！（右）等湯底的時，我地先食日式刺身拼盆，比想像中更要新鮮▲呢個【胡椒豬肚雞鍋】湯底係我提出一定要點的用整個豬肚包住裡面的雞（要肯定訂返黎既豬肚包得實隻雞先難）其實事前功夫要洗豬肚已經好費時，曾幾何時係屋企想order阿媽整個胡椒豬肚湯飲下，最後俾阿媽煩左幾日話搞左大半日先煮到…都係出黎食把啦！講返個豬肚先，姐姐會立即係你面前剪開俾你仲剪埋細細舊既豬肚，入面又真係洗得幾乾淨，隻雞都好滑～姐姐先叫我地飲左第一轉既湯先，之後加水就正式打得邊爐▲另一個湯底係【濃湯魚翅雞鍋】係足料既真魚翅黎！一樣有滑雞係底，湯底味道濃郁又正！ ▲（左圖）杏花四式滑 左起：蝦肉、牛肉、墨魚和鯪魚（右圖）招牌手打三寶丸 牛丸、蝦丸和墨魚丸非常高質既手打丸和滑！不論是丸狀定片狀都食到非常彈牙口感除左個人不是特別喜歡食鯪魚之外，其他都極力推介大家一定要點諗左好耐蝦肉、牛肉、墨魚邊樣最好食，真係諗唔到個排名～全部都正！
觀塘除了工廈開餐之外，還有什麼選擇呢？唔想迫在商場等待長長的人龍
那就可以走遠一點路來到鴻圖道吃杏花樓火鍋，一班人就夠哂齊哇哇啦！
（左）一堆調味料俾大家自行發揮混醬功力，個人黎講有炸蒜、蔥、幾粒辣椒就夠啦！（右）等湯底的時，我地先食日式刺身拼盆，比想像中更要新鮮
▲呢個【胡椒豬肚雞鍋】湯底係我提出一定要點的用整個豬肚包住裡面的雞（要肯定訂返黎既豬肚包得實隻雞先難）
其實事前功夫要洗豬肚已經好費時，
曾幾何時係屋企想order阿媽整個胡椒豬肚湯飲下，
最後俾阿媽煩左幾日話搞左大半日先煮到…都係出黎食把啦！
講返個豬肚先，姐姐會立即係你面前剪開俾你
仲剪埋細細舊既豬肚，入面又真係洗得幾乾淨，隻雞都好滑～
姐姐先叫我地飲左第一轉既湯先，之後加水就正式打得邊爐
▲另一個湯底係【濃湯魚翅雞鍋】係足料既真魚翅黎！一樣有滑雞係底，湯底味道濃郁又正！
▲（左圖）杏花四式滑 左起：蝦肉、牛肉、墨魚和鯪魚
（右圖）招牌手打三寶丸 牛丸、蝦丸和墨魚丸
非常高質既手打丸和滑！不論是丸狀定片狀都食到非常彈牙口感
除左個人不是特別喜歡食鯪魚之外，其他都極力推介大家一定要點
諗左好耐蝦肉、牛肉、墨魚邊樣最好食，真係諗唔到個排名～全部都正！
▲牛之天地雜錦拼盆，搵呢個碟上立即有high tea既feel 哈哈！
個個見到呢碟都一定相機食先～一碟入面有好多牛既部位，有好多都未打邊爐既時候食過
例如牛柳粒、牛展、牛胸爽同黑柏葉都好特別，比起一般只有肥牛點既鋪頭
的確係試多好多部位，牛柳粒比想像中好食！咬落爽口唔難咬喎又…
▲本地手切肥牛，單睇相已經好吸引每一片既肥膏同肉都平衡分佈，食落唔會好肥但有漸漸好濃既牛肉味
▲（左）杏花樓自家製既鳳城水餃，食左一舊都幾好味
（右）時蔬拚盆，食得太多肉都要有d蔬菜平衡下既～
▲白鱔片、鮮脆鯇片
個人打邊爐時唔係特別”好”魚類，不過食左一片都係覺得肉質幾好味既
如果帶埋daddy黎佢應該會好鐘意食呢兩碟！
▲（左）必點個炸魚皮！因為真係超超超超好食！請容許我讚到咁因為第一次去打邊爐，間野係會即炸魚皮
上台時仲係熱辣辣，脆過薯片又冇油”益”味
（右）炸魚腐－呢個我地諗左好耐應該係即食定要掉去滾下
姐姐見我地唔知點食就走埋黎，話可以就咁食既～
脆既野我都係唔想掉落去再浸～又幾好食！
▲最後以薑茶西米皮湯圓作結，姐姐係旁邊台既爐立即現場煮真係第一次食西米皮整既湯圓，出面果層一粒一粒冇平時既湯圓咁滑到跌落黎
但又幾有口感，入面既芝麻好似係手磨加自己人手包，唔似超市買到果d咁流質
總結：功夫菜都係留返出黎食就岩啦！
必點既係：胡椒豬肚雞鍋、杏花四式滑／丸、牛之天地雜錦拼盆、炸魚皮
以港式打邊爐黎計杏花樓已經好有質素，
只要擔心同行既朋友或家人非常大食，全部都要點貴價唔係好飽既菜式
张贴
