昭和食堂

营业中

休息中

今日去咗灣仔一間叫「昭和食堂」嘅餐廳食晚餐，呢間日式居酒屋嘅裝修非常復古，掛牆嘅海報同店內嘅裝飾都有上一個年代嘅日本風格，加上餐廳內播放住日文歌曲，感覺就好似置身於日本嘅居酒屋入面。🍊前菜我哋嗌咗酒盗炒山藥、炸北海道魷魚絲、半生熟牛肉同白子。酒盗炒山藥做前菜非常開胃，山藥炒到好腍身，味道帶微辣；魷魚絲炸得好香脆，炸粉唔會太厚，魷魚絲亦都好有鮮味；個人幾推介呢碟半生熟牛肉，生牛肉嘅肉質幼嫩，底下配有爽口清甜嘅洋蔥，而且用帶有甜味嘅日式醬汁去醃製；白子係魚嘅內臟，日本人好鍾意食，帶粉狀嘅口感配上特製醬油，味道幾特別🍊串燒我哋嗌咗燒白鱔同雞肉丸子。燒白鱔肉質肥美，每一塊都充滿魚油，口感飽滿；雞肉丸子有兩串，材料係免治雞肉，食落去肉質結實🍊主食我哋嗌咗牛肋骨、魷魚明太子卷、辣吞拿魚蓉同鰈魚邊壽司。牛肋骨燒得好香口，上菜時候已經切片，每一片都切到幾薄身，外脆內嫩，配上一個酸甜嘅日式醬汁同蘿蔔蓉；魷魚明太子卷造型好可愛，用𠝹咗花嘅生魷魚包住明太子同青瓜，生魷魚口感煙靭而入面嘅青瓜脆身爽口，明太子本身已經帶有鹹味，唔需要配任何醬汁；辣吞拿魚蓉用日式燒餅皮包住吞拿魚蓉餡料，燒餅皮唔算太脆身，吞拿魚蓉用