橋底辣蟹 (雅閣大廈) (已結業)

食中菜都係一大班人黎食開心啲，食得又夠多款，一支酒都可以分下😂。我地兩張枱坐哂人，一黎就叫哂餸先，咩都想。以後會貴啦，點知係合理價，而且選擇超多，揀到花多眼亂。海鮮類超得，而且係勁大條，樣樣都係好鮮。個湯又係勁清甜，個個都要淨住飲（定係真係肚餓呢）。啲蟹可以叫唔同嘅辣度，我唔係好食得辣嘅微辣已經好夠。炒麵就一般，好似都係叫番白飯會好啲。好食到一度我地一開頭係唔出聲，個個都同啲食物「抗爭」緊，唔得閒吹水。如果飲酒係有開瓶費，成餐飯有人萬歲，所以唔係好清楚幾錢一個，不過應該唔會好貴。如果一大班人又想食餐勁嘅，不妨考慮呢間。