How To Live Well (K11購物藝術館)

营业中

休息中

【油尖旺區】【How To Live Well】呢一次又係喺尖沙咀搵嘢食，不過就唔係自己一個人食，而係美女朋友趁我放 break 就嚟咗搵我食嘢，攪到好似搵佢攝時間咁，我都有啲唔好意思 。揀咗呢間西餐有啲隱蔽，喺傢俬店入面，但原來都幾多人喎。我就叫咗個 $128 嘅「Six Cheese Pizza」嚟食。佢係有水牛芝士、貢佐拉芝士、芳提娜芝士、埃文達芝士、車打芝士同埋巴馬臣芝士加埋一齊整，濃香得嚟，唔同芝士嘅味道都食到，幾好。美女朋友就食 $178 嘅「扒日本豚肉220克」，配肉桂蘋果醬、烤南瓜同埋法邊豆，佢話 okay 喎，啲豬肉都嫩滑嘅。而佢就飲 $33 嘅「Cucumber Latte」，佢話杯青瓜拿鐵嘅青瓜味好出，幾驚喜嘅。我冇飲嘢，但我有食甜品，叫咗 $88 嘅「焦糖芝士布甸配雪糕」，布甸質感都算實，焦糖味都香。不過咁樣加埋一埋單都要 $470，尖咀西餐價係正常，但就硬係覺得乸脷囉。。。（地址：尖沙咀河內道18號K11購物藝術館2樓201-01號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：灣仔分店：1am16