田記魚蛋牛腩專門店 (碧街)

营业中

休息中

【油尖旺區】【田記粉麵茶餐廳】如果係我好忠實嘅讀者，可能會記得我喺 13/6/2021 去食過呢間田記，仲喺 #1am0365 寫咗一篇嘢，之後我都介紹咗唔少人去食。啱啱又癮起，就捉咗楊偉哥去試，後生仔要見識吓乜嘢係牛腩，乜嘢係粉麵，咁先係真正本土派。介紹咗佢試 $62 嘅「崩砂牛腩河粉」，呢碗真係好嘢嚟，絕對係呢間嘢嘅招牌菜。上菜時都覺得佢冇甩到三年前嘅水準，我偷咗舊嚟食，仲係咁好味。牛味香濃得嚟，入口順滑冇渣。佢加 $8 飲杯「凍奶茶」，正常水準奶茶一杯。我就試 $62 嘅「牛魔王粗麵」，即係牛雜、牛腩、牛筋配上粗麵，呢度嘅牛腩當然不及崩砂腩，但係都唔錯嘅。牛筋炆得好夠腍，牛雜亦都夠份量，好味，配合粗麵，非常邪惡。我加 $8 飲「凍檸茶走甜」，都係正常茶記水準。我一個人去粉麵店都食兩碗嘢啦，何況今次有朋友。試埋 $56 嘅「淨雲呑水餃魚蛋」，即係就咁食「鮮蝦雲吞」、「鳳城水餃」同埋「招牌魚蛋」，三樣嘢都係佢哋自製，好有水準，魚蛋好香魚味。埋單 $196，係值得畀嘅。。。（地址：油麻地碧街45號地下C1號舖）#1amfoodie #foodie #hkfoodie #thatfood