曾三仙米綫 (花園街)

营业中

休息中

【油尖旺區】【曾三仙米綫】今次講嘅呢間米線舖巴閉咯，雖然喺香港得呢間，但係佢喺內地係連鎖店嚟，分店超過 1000 間，好勁。第一間開嚟香港就開喺太子花園街，呢頭出名食肆多、競爭大，但係我同震華哥一去到，見到就係得佢哋排緊隊，勁呀。震華哥話點都要試佢哋 $68 嘅「番茄虎皮豬蹄米線」，個虎皮豬蹄勁好肉，虎皮又索晒汁勁正咁話。佢仲加 $15 要埋「虎皮雞腿」，浸埋落湯仲正，啖啖肉。嘢飲就用 $9 半價試「馬蹄椰子水」，佢話幾香椰味，清清哋幾好飲。我就試 $48 嘅「滋補鮮魚片米線」，加 $4 要一粒「蝦滑」、加 $21 要「酥肉」同加 $29 要「腰花」。鮮魚片嫩滑無骨，蝦滑又鮮又彈牙，酥肉香口，腰花爽脆入味，但好後悔叫咗「少米線」，原來個米線勁好食，唔會勁腍。嘢飲我就飲半價 $9 嘅「生椰拿鐵」，都幾好飲。我哋試埋兩款小食，$28 嘅「什醬肉紹土豆泥」係肉醬薯茸，味道夠香濃，好味。而都係 $28 嘅「肥腸」就好香甜豉油味，啲肥膏又刮得乾淨。夾埋食咗 $259，可以話係勁滿足。。。（地址：太子花園街228號地舖）@tsang_sam_sin.hk#1amfoodie #foodie #hk