影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
餐厅：曾三仙米线地点：太子花园街菜式：四川米线餐牌：超多汤底配唔同配料既米线，汤底包括番茄、滋补、酸菜、籐椒、酸汤、泡椒、鸡汤牛油配料有午餐肉、肥肠、虾滑、酥肉、腰花、嫩肉丝、猪肝、鲜鱼片、全素、黑豆花牛肉。可以加菜。另外都有特色必点、雾都粉面、小食、甜品、饮品。落单用QR code。肉臊土豆泥拌米线 $40第一次食拌米线，米线底上面加有一半滑溜原味土豆泥，唔少够味肉臊同少少酸豆角碎。用成个锅上枱，滑溜米线再加上又滑又绵密土豆泥口感独特。酸豆角带少少辣，味道唔错。酸汤鲜鱼片米线 $56酸汤即系比冬荫公风味酸少少嘅汤底，有油姜辣、大蒜、番茄、柠檬、山棃做出酸度。个人觉得好特别，真系好似冬荫公，但系汤底系有好浓厚鲜茄味，食到好多新鲜番茄肉。酸汤除左鲜番茄，仲有韭菜同海带，口感爽脆。幼身米线分量足，非常滑溜。鲜鱼片有几片连鱼皮，嫩滑鲜甜唔会太薄切。黄金炸手打虾滑 $35黄金炸手打虾滑用传统款式碟上枱，好特别。一客7粒，虽然细细粒，但系炸得外脆内弹牙，同甜酸酱同食更好味。五香腐竹 $20呢款小食系新品上市，一客多片，味道唔错，唔会太辣或者太咸，健康好味。糍粑油条 $18糍粑油条系一条脆皮小油条包住拉丝糍粑，洒上黑芝麻更香，味道少少甜，有驴打滚风味！红糖豆花 $9用印有双囍嘅碟上枱，系一大件白色豆花，加上桂花碎，杞子三粒同红糖汁。豆花好似布丁，又滑又香，豆味唔会过火，配红糖浆食够嗮甜。小吊梨汤 $10小吊梨汤系加左雪耳嘅梨汁，梨汁清甜润喉，食到爽口雪耳，口感唔错，好厚身，而且好养生！独立密封包装，仲附上独立包装纸饮管。呢度有自助调料吧，包括芫荽、葱花，仲有酸萝卜片比你自己攞。今餐食物好有特色，食物质素唔错，食完唔觉口渴，感觉天然！餐厅环境好干净，冷气好够冻，服务员态度友善。#曾三仙米线#太子花园街#四川米线
继续阅读
平时一向都系食开啲辣嘅米线，今次来到太子呢间曾三仙米线食返碗唔辣嘅川渝米线！餐厅有提供多款唔辣嘅选择～✨蕃茄黑豆花牛肉米线黑豆花嘅特别之处就系餐厅自家制嘅，口感好似一旧海绵，一咬落去就有爆汁嘅效果，带有一种好独特嘅烟熏香味！牛肩肉比平时嘅更柔软嫩滑！仲有海量海带丝同埋木耳丝衬托住啲米线！蕃茄汤底味道天然，酸甜开胃～✨滋补三仙米线三仙即系有齐哂多款嘅招牌配料，个人最钟意猪肝同肉丝，口感特别嫩滑！而午餐肉、鹌鹑蛋、竹笙、木耳丝、蕃茄、虫草花同黄花就令到成个米线嘅口感更加多元化！米线偏幼身，挂汁能力高！药膳汤底清澈，饮落去当归嘅味道比较突出，有种好滋补嘅感觉～✨糍粑油条香脆嘅油条包住软糯嘅糍粑，趁热食，口感超正～✨重庆现炸小酥肉小酥肉新鲜炸起热辣辣，酥脆可口，点埋辣粉食得更滋味～✨红糖豆花豆花与别不同，食落去有啲似有浓厚豆乳味嘅布甸，配搭红糖甜而不腻！仲有桂花杞子做点缀～✨小吊梨汤带有雪梨嘅自然甜味，仲饮到粒粒雪耳添～✨生椰拿铁入口顺滑，咖啡同椰奶嘅比例刚刚好～
继续阅读
最近试了间川渝米线店，短短一餐之间，让我对「米线」的世界有了全新的认识。相比我平时常吃的云南米线，这间川渝米线不论在味道、配搭、甚至餐厅格局上，都与别不同。一走入餐厅，那种大陆风格浓厚的装潢会让人以为自己身处成都街头。红色标语、简体字、甚至墙上的宣传语都非常「大陆」，不过食物出品相当有惊喜。餐厅还设有自助配菜区，有腌萝卜、芫荽、葱花等，当中的腌萝卜清甜爽口无涩味，记得试下。川渝米线来自四川、重庆一带，顾名思义，它主打的就是那份地道的「麻辣风味」，更强调麻辣、酸香等味觉冲击。不过，这间店的汤底选择多达八款——蕃茄、滋补、鸡汁、酸汤、藤椒、泡椒、酸菜、火锅，无论你是否爱吃辣，都可以找到合适的汤底。配菜选择多到眼花缭乱，如果不知选什么配菜好的话，这里的「三仙」配搭更值得一赞，包括鹌鹑蛋、猪膶、猪肉丝等，再加上木耳、蕃茄、韭菜、竹笙、虫草花，营养丰富又满足。其中我们试了：- 🏅滋补三仙米线（$56）：汤底浓郁香甜有轻微当归味，配料超丰富，半碗都是𩠌，性价比极高。- 🏅藤椒鲜鱼米线（$56）：麻香十足，鱼片滑溜，劲有层次。除了主食，这间小食和饮品选择也非常有诚意：- 🏅凉拌木棉豆腐($22)：超惹味，豆腐索晒味。- 🏅芝士鸡扒($30)：店员推介，餐牌未上，外脆内爆汁，芝士流心，小心烫嘴！- 🏅炸腐竹片（+$11）：脆卜卜，可以干食，也可以放进米线汤中吸汁。- 🏅冰糖山楂冻（+$10）：偏甜，但解腻。- 🏅小吊梨汤（+$10）：清甜润喉，有雪耳，口感丰富。
继续阅读
最近去咗一间同事们推荐嘅米线店，真系一试难忘！佢哋主打米线，仲要系一锅锅咁上🍲汤底同配料都超有心思，今次食咗几款招牌菜～ 🍅蕃茄鲜鱼米线（加嫩肉丝）汤底超级鲜甜，蕃茄味浓郁得嚟唔会太酸，鲜鱼片嫩滑得嚟完全冇腥味！加咗嫩肉丝之后，口感更加丰富，每一啖都系满足！ 🐔鸡汁三鲜米线（加牛肉丸，黑豆花）鸡汤底好浓郁，饮得出系真材实料熬出嚟！牛肉丸弹牙又多汁黑豆花口感滑溜，带淡淡豆香，同米线好夹！ 🥬酸辣海带丝酸酸辣辣好开胃！海带丝爽脆，调味恰到好处，食完米线再食佢，感觉好清爽～ 🐂牛肉馅饼外皮煎得香脆，入面嘅牛肉馅多汁又入味，咬落去仲有少少肉汁爆出嚟，正！ 🥖糍粑油条呢个真系惊喜！外脆内软嘅油条，蘸上黑芝麻碎糖食落去有啲似甜品，但又唔会太腻，好特别！ 🥤百香茉莉茶果香同花香好夹，酸酸甜甜，饮落好fresh，夏天饮一流！🥤小吊梨汤梨汤清润，甜度啱啱好，饮完成个人暖笠笠，喉咙干最啱。💕性价比高，汤底同配料都用心制作，环境都干净舒服，绝对系会再encore嘅餐厅！唔挂得出面咁多人等位🤣如果你都系米线控，一定要试吓！
继续阅读
经过见到呢间米线舖有糍粑油条，就毫不犹豫入去😍👍🏻✨滋补虾滑米线 $79每人Order左一碗辣一碗唔辣既米线，呢碗系药膳滋补汤底米线，除左弹牙既虾滑，仲加左鲜鱼片($22)，可以连汤底一齐饮埋既米线🤗✨冒烤鸭米线$64充满鸭油同鸡油既冒烤鸭米线🍜啖啖都好香浓油香味，汤底系小辣既程度，里面仲有木耳、韭菜、蕃茄、海带等配菜，米线口感系软绵的，同平时食开硬身既米线不太一样✨炸腐竹片 $11炸腐竹片，好香脆可口，可以浸落米线一齐食同净食都得☺️✨糍粑油条 $18强烈建议要衬热食，虽然摊冻了的糍粑一样咁好食，但衬热口感更烟韧更佳🤤✨红糖豆花 $9口感非常滑溜既豆花，配埋红糖糖水，令人食完一口再接一口，可以再encore既甜品👍🏻✨百香茉莉茶$10微微酸、甜甜既茉莉茶，入面仲饮到烟烟韧韧既小啫喱，可以解辣又解渴，炎炎夏天好需要一杯🥵
继续阅读