禪

营业中

休息中

之前食過同一個集團既其他分店，份量同味道都非常高質，今次呢間Cafe菜式有少少分別，但味道一樣係非常出色。———————————————🌟 美國牛小排月見蛋丼牛小排嫩滑到唔得了，粉嫩既肉質燒到啱啱好，油脂逼出黎但保持住粉嫩既狀態，口感超正！上面仲加咗芝麻同香料，成個肉香撲鼻而來～最唔少得就係靚靚既蛋黃，撈埋牛肉同珍珠米，蛋香同肉香結合，真係一流！🌟 日式照燒雞扒白咖哩烏冬白咖哩烏冬一上台已經被佢既香濃忌廉吸引住，撈勻之後烏冬變成奶黃色，奶香混合微甜咖哩味，味道好特別。至於雞扒亦好出色，嫩滑得黎味道醃得入晒，食落有層次感，值得一試！🌟 白桃伯爵茶窩夫個窩夫既擺盤已經超打卡，伯爵茶醬茶香濃郁而且唔會過甜，再加上白桃醬既點綴，帶出清新果香，多咗一層層次～成個味道平衡到剛剛好！🌟 日式抹茶鮮奶抹茶鮮奶我叫左少甜，味道啱啱好～抹茶味濃得黎帶少少甘香，配合香濃鮮奶，比例非常岩，飲完超舒服！🌟 芒果梳打梳打氣泡夠十足，夏天飲返杯真係透心涼！芒果味夠香濃，仲係真芒果味，唔會有假香精既感覺，好清新～