緣味烤肉店 (已結業)

【沙田區】【緣味烤肉店】呢個用餐體驗其實都已經係幾耐之前，係上填詞工作坊之前嘅事嚟，而家都已經上晒，我都仲未幫呢個體驗留低記錄，真係一拖再拖。咁當時同朋友一齊行經石門，唔係太肚餓又想搵啲嘢咬吓，當時完全諗唔到食咩好。咁我哋見到呢間喺外面掛住綠色底白色字招牌嘅餐廳，覺得有啲好笑，因為真係好似素食店，有啲清心寡欲嘅感覺。因此就推斷出佢點都要加烤肉店三個字喺個名後面去話畀人聽佢哋係一間烤肉店，講到好好笑，就去食吓啦。由於唔太肚餓，所以只係叫咗個 $168 嘅「板燒牛小排」，餐廳講佢係牛嘅前胸肋骨位，肉質結實而且會多啲油筋同埋油脂。燒烤嗰時油汁會因高溫走出嚟，牛味夠，佢建議食七成以上，其實咁薄，一放上熱石都熟咗大半啦。係呀，我都唔止一次講就係切薄片做石燒好難控制，唔係好似網燒咁拖一拖就得嘛。不過呢啲都係我個人意見，好多間都咁做証明佢有存在價值。我朋友餓啲，個餐佢食多啲都係好，我求其中間抽吓水就算，純粹試吓個味。追加咗 $68 嘅「爽梅肉黑毛豬」，餐廳介紹爽梅肉係喺豬腰嘅骨架同前肋骨位，嫩滑多汁咁，食落都唔差，正正常常。不過連埋個飯同沙律，咁樣 $236 一人份就唔算好抵。畀錢時侍應提醒我哋低消