影片
更多
2022-05-08
144 浏览
最近工作壓力比較大，好想好想食番餐好既慰勞下自己🥲上網搵下搵到呢間有兩位日本福岡師傅主理既高級日本料理，而且打卡一流，決定約埋好朋友一起過黎試下❤️◦ 吞拿魚蓉松葉蟹肉卷($198)吞拿魚口感滑溜肥美，上面幾粒魚子都唔錯冇腥味，再加埋飯糰入面既蟹肉，點一點wasabi再一啖放入口，大滿足😙◦ 烏魚子温泉蛋瀑布瀧麵 ($98)呢個真係打卡必備🤩杯入面係温泉蛋同埋醬汁，而面就係同一支棒擱係杯上面，然後當我地準備好相機打卡個陣，店員就會倒水，營造出煙霧彌漫既效果，真係好吸睛😆隔離枱D人都望著我地呢邊😂呢份瀑布瀧麵係冷面，麵既質感係勁幼身，配埋溫泉蛋味道唔錯，我同朋友都表示唔夠食啊🤣◦ Bubble Ice Tea (Mocktails) ($68)呢杯都係打卡必備‼️呢杯Mocktail店員會係面前用可食用香皂整一個泡沫🫧係嘢飲上面，又係吸引左隔離台既目光，話我地呢杯好靚又想叫番杯咁😂店員介紹話，今次用個香皂係木香味，所以飲呢杯mocktail個陣都會飲到陣陣木香味，而且呢個味道仲係期間限定，每過一段時間就會轉😜◦ 博多牛腸鍋(澳洲和牛) ($228)細細聲話你聽我係第一次食牛腸，仲要係用澳洲和
◦ 吞拿魚蓉松葉蟹肉卷($198)
吞拿魚口感滑溜肥美，上面幾粒魚子都唔錯冇腥味，再加埋飯糰入面既蟹肉，點一點wasabi再一啖放入口，大滿足😙
◦ 烏魚子温泉蛋瀑布瀧麵 ($98)
呢個真係打卡必備🤩杯入面係温泉蛋同埋醬汁，而面就係同一支棒擱係杯上面，然後當我地準備好相機打卡個陣，店員就會倒水，營造出煙霧彌漫既效果，真係好吸睛😆隔離枱D人都望著我地呢邊😂呢份瀑布瀧麵係冷面，麵既質感係勁幼身，配埋溫泉蛋味道唔錯，我同朋友都表示唔夠食啊🤣
◦ Bubble Ice Tea (Mocktails) ($68)
呢杯都係打卡必備‼️呢杯Mocktail店員會係面前用可食用香皂整一個泡沫🫧係嘢飲上面，又係吸引左隔離台既目光，話我地呢杯好靚又想叫番杯咁😂店員介紹話，今次用個香皂係木香味，所以飲呢杯mocktail個陣都會飲到陣陣木香味，而且呢個味道仲係期間限定，每過一段時間就會轉😜
◦ 博多牛腸鍋(澳洲和牛) ($228)
細細聲話你聽我係第一次食牛腸，仲要係用澳洲和牛既牛腸😳原來呢份牛腸鍋係同牛腸黎煲湯，所以湯底好濃郁，裡面除左牛腸仲有娃娃菜、韭菜等；值得一讚既係店員好nice過黎介紹我地另類既牛腸鍋食法😙佢話可以散叫D食材用呢個牛腸湯做湯底咁打邊爐，甚至用呢碗湯再加飯入去炒，一舉三得😝
◦ 一瀧唐揚三瀨雞 IFC ($78)
呢碟其實係一份炸雞黎架🤣廚師用左墨魚汁黎包住雞塊，炸雞食起黎唔會覺得油膩，肉質順滑唔乾，再點埋蛋黃醬咁食都唔錯😍
◦ 燒雞軟骨、月見免治三瀨雞肉棒 ($38, $48)
呢份燒雞軟骨同平時個D好唔同，真係純軟骨冇肉，而且係用左既雞胸既軟骨，軟骨比較大塊；雞肉棒同樣唔錯，呢份係可以點埋雞蛋王黎食，咬落去都幾淋😁
最後講下環境，呢到裝修勁有日本🇯🇵feel，江戶時代既木系裝修好靚同好新淨，我地仲好好彩被安排坐榻榻米，成個感覺就好似同朋友一齊去左日本旅行咁，呢餐晚餐真係食得幾開心🥳
📍一瀧 ICHITAKI @ichitaki_hk
銅鑼灣登龍街1號金朝陽中心2期Midtown 8樓
张贴
