鴻圖樓

营业中

休息中

觀塘收工約埋同事去搵好嘢食，今次就試下老字號酒樓🛎。鴻圖酒樓嘅環境坐得舒服，服務又幾好，的確係聚餐好地方。🍖 金牌欖角骨 $138欖角呢味傳統滋味，真係以前一輩至會特別鍾意👍。呢度嘅做法出乎意料咁香濃，欖角嘅甘香完全滲入骨肉之中，食到停唔到口。🍆 椒鹽茄子 $68呢碟真係全場焦點⭐️。外層香脆，入面嘅茄子軟甜又唔油膩，完全唔覺油膩，做到呢個效果真係要好高技巧。簡單食材做到極致，滿分。🐔 鮑汁雞腳 $68經典點心味道，雞腳夠爽口又入味，鮑汁香氣濃郁但唔鹹滯，邊傾偈邊慢慢嘆特別過癮。鴻圖嘅出品保持水準，食得安心又舒服，比起好多新式酒樓，呢種熟悉嘅味道同氣氛更加令人回味🤍。