影片
更多
2023-08-29
23 浏览
旺角呢棟大廈近年翻新後都仲未食過，以前中學就已經成日過黎食各種放題韓燒，今次同朋友聚會就簡咗呢間韓燒大叔，見好多評價都話好抵食就決定要試一試。———————————————🌟牛肉有多款牛肉同唔同部位選擇，大推安格斯下肩胛同封門柳，油脂分布非常靚，而且牛味亦都好重。呢兩隻基本上佢都冇醃製，只需要加少少鹽燒已經好好味，又或者推薦佢出面都有一隻偏淡嘅醬油好適合配牛肉食，唔會搶味之餘又可以襯托返肉味。.🌟豬肉雖然平時唔係好識豬肉，但呢度嘅豬肉其實真係好正，先係一開頭已經食咗個五花腩，完全係冇豬臊味，而且非常香口。另外喺員工嘅推薦吓我哋都嘗試加咗個$68嘅慶州豬腩肉，員工仲好好幫我隻燒埋，豬腩肉又口又大塊，但係食落去又唔會有令人反感嘅肥膩，反而係香得嚟肉質又腍身，怕膩嘅朋友仔仲可以出去攞生菜夾埋一齊食.🌟海鮮海鮮款式主力有好多魷魚同埋墨魚，我特別鍾意食魷魚鬚，大條又彈牙。另外佢都有好多貝殼類例如蜆、青口、翡翠螺、蝦等等，為避免大家唔鍾意燒得太乾身，佢仲另外提供錫紙兜同湯去俾人用煮食形式適用。.🌟熟食餐廳本身都有提供好多熟悉，例如炸雞、雞軟骨、泡菜煎餅、雞翼等等，全部叫落其實都唔會好大份，所以大家
旺角呢棟大廈近年翻新後都仲未食過，以前中學就已經成日過黎食各種放題韓燒，今次同朋友聚會就簡咗呢間韓燒大叔，見好多評價都話好抵食就決定要試一試。
———————————————
🌟牛肉
有多款牛肉同唔同部位選擇，大推安格斯下肩胛同封門柳，油脂分布非常靚，而且牛味亦都好重。呢兩隻基本上佢都冇醃製，只需要加少少鹽燒已經好好味，又或者推薦佢出面都有一隻偏淡嘅醬油好適合配牛肉食，唔會搶味之餘又可以襯托返肉味。
.
🌟豬肉
雖然平時唔係好識豬肉，但呢度嘅豬肉其實真係好正，先係一開頭已經食咗個五花腩，完全係冇豬臊味，而且非常香口。另外喺員工嘅推薦吓我哋都嘗試加咗個$68嘅慶州豬腩肉，員工仲好好幫我隻燒埋，豬腩肉又口又大塊，但係食落去又唔會有令人反感嘅肥膩，反而係香得嚟肉質又腍身，怕膩嘅朋友仔仲可以出去攞生菜夾埋一齊食
.
🌟海鮮
海鮮款式主力有好多魷魚同埋墨魚，我特別鍾意食魷魚鬚，大條又彈牙。另外佢都有好多貝殼類例如蜆、青口、翡翠螺、蝦等等，為避免大家唔鍾意燒得太乾身，佢仲另外提供錫紙兜同湯去俾人用煮食形式適用。
.
🌟熟食
餐廳本身都有提供好多熟悉，例如炸雞、雞軟骨、泡菜煎餅、雞翼等等，全部叫落其實都唔會好大份，所以大家都可以放心叫。熟食郁中基本上上枱都係熱辣辣，大家鍾意仲可以配蜜糖芥末醬，食落應該會更加啱口味。
.
🌟自助吧
一定要讚嘅肯定係佢個雪條吧，全部雪條都係非常高質嘅韓國雪條，包括之前經常見到嘅芒果同埋藍莓乳酪味。除此以外佢仲有可以自己整嘅軟雪糕同埋刨冰，有得玩又有得食，可惜我食得太飽，今次就唯有錯過咗呢個甜品製作。
.
🔸整體評價🔸
係少有嘅一間高質韓式放題，而且仲要有好多高質嘅肉類，連藍妹嘅生啤都可以任飲，整體性價比就真係唔話得。過程中員工都好積極服務，基本上都好好服務，地點又近，推薦大家！
张贴
