重光弁当 (已結業)

天氣好，就可以周圍去拍嘢，稍為用啲時間有好心情周圍搵好嘢食。有朋友介紹我一定要食呢間，我一路都好順從意見，行遠小小都嚟試下。朋友推介招牌，我諗都無諗就揀呢個（對於我選擇困難係幾好）。重光招牌弁当，65元用嘅餐具都唔係膠，欣賞👍🏻便當上枱個刻係好靚，唔會亂放黎hea你，真係圖係乜就係乜。蝦餅夠蝦味，唔係全麵粉。鱈魚柳大塊，而且肉係好味。仲有兩件唐揚炸雞，味道係唔錯。再加咁大餅日本產米，咁食真係無得輸。柔柔嘅陽光射入黎都幾舒服，好滿足嘅午餐。