🔅今期推廣：消費滿$1500 即送「溏心瀨尿蝦」一份 (每份一隻)
✦雜錦盛套餐 $788/位✦
套餐有前菜、北寄貝、甘鯛、大蝦、鵝肝、和牛、香蒜牛薄燒、炒菜、炒飯、吸物、甘味, 相當豐富！道道精緻又美味😋, CP值高, 好適合約會、慶生🎉
🥢斑馬瀨尿蝦
蝦膏呈橙黃色, 啲膏又多又濃郁, 瀨尿蝦肉質軟腍, 做到溏心效果！
🥢北寄貝
擺盤精緻, 鮮甜爽彈, 能食到北寄貝本身最鮮甜嘅滋味！
🐟甘鯛
好考功夫嘅立鱗甘鯛！魚鱗煎至脆卜卜, 咬落「咔嚓」一聲, 魚肉非常鮮嫩, 旁邊配上南瓜海膽忌廉汁, 跟甘鯛嘅鮮味完美融合
🦐大蝦
上枱前師傅已幫忙剝蝦頭, 方便客人食用, 相當貼心呢💕 大蝦肉質鮮美彈牙, 蘸上特製濃郁蝦膏醬汁, 味道更有層次！
🥢鵝肝
擺盤非常講究！師傅用鐵板煎香鵝肝, 件鵝肝又厚又大件, 入口即溶, 係奢華嘅享受✨
🥩日本和牛厚燒、香蒜牛薄燒
𖠅令人回味無窮！和牛油脂分佈均勻, 師傅精準控制熟度, 五分熟度剛剛好, 牛脂溶喺口中, 入口即化！肉質細緻柔嫩, 肉味香濃, 搭配蒜片、岩鹽、wasabi, 別有一番風味 •͈౿•͈
薄燒牛肉卷雪花相當細緻, 肉質柔軟, 入口即帶出油脂香氣～
🥢炒飯
炒飯粒粒分明, 特別有鑊氣, 蛋汁令個炒飯更濕潤🍳, 充滿蛋香, 令人一啖又一啖！
🍨焦糖多士 配豆腐雪糕
冰火交融🔥 焦糖多士超級脆, 配埋雪糕一齊食, 口感順滑有豆香, 為晚餐畫上完美嘅句號。
