影片
更多
2022-09-01
1444 浏览
『環境安靜舒適，擺盤精美細緻，不過分追求創新穩扎穩打，值得一試』近排食少左壽司反而燃起了對割烹的興趣，鍾意可以欣賞師傅料理菜式又食到更多熱食🥘呢間係尖沙咀的Kappo Sakaki好啱新手入門，午餐有HKD580/1180兩種選擇，豐儉由人🏡餐廳超隱世，要係地面㩒鐘仔等木門打開先可以入去一探究竟🛎燈光柔和，略帶暗黑的工業風，幾個師傅忙碌得未停過手，食食下仲有得睇師傅分切吞拿魚添整體菜式都偏清爽輕盈，好啱呢種天氣食，最後的甜品印象好深刻，酸得開胃🍋推介 🥢前菜3點 🥢松葉蟹最中餅 🥢雞尾串燒 🥢柚子酒啫喱 ————————————————————⦿ Executive Lunch (16道)(HKD1180)◎ 前菜三點 | 4/5風乾火腿捲無花果 / 磯煮粒貝 / 日本粟米◎ 刺身三款 | 3.8/5北海道真蠔 / 鱸魚海膽 / 大拖羅◎ 茶碗蒸 | 3.5/5有三文魚子、蟹肉、草菇、帶子，蛋雖然有些少氣孔但也算滑溜◎ 壽司兩款 | 3/5間八 / 赤鯥兩款魚料都厚切肥美，間八爽口，撒上柚子皮非常清香🍣舍利酸度相當低，偏硬略黏口，存在感唔算高。◎ 松葉蟹最中餅 │ 3
近排食少左壽司反而燃起了對割烹的興趣，鍾意可以欣賞師傅料理菜式又食到更多熱食🥘呢間係尖沙咀的Kappo Sakaki好啱新手入門，午餐有HKD580/1180兩種選擇，豐儉由人🏡餐廳超隱世，要係地面㩒鐘仔等木門打開先可以入去一探究竟🛎燈光柔和，略帶暗黑的工業風，幾個師傅忙碌得未停過手，食食下仲有得睇師傅分切吞拿魚添
整體菜式都偏清爽輕盈，好啱呢種天氣食，最後的甜品印象好深刻，酸得開胃🍋
推介 🥢前菜3點 🥢松葉蟹最中餅 🥢雞尾串燒 🥢柚子酒啫喱
————————————————————
⦿ Executive Lunch (16道)(HKD1180)
◎ 前菜三點 | 4/5
風乾火腿捲無花果 / 磯煮粒貝 / 日本粟米
◎ 刺身三款 | 3.8/5
北海道真蠔 / 鱸魚海膽 / 大拖羅
◎ 茶碗蒸 | 3.5/5
有三文魚子、蟹肉、草菇、帶子，蛋雖然有些少氣孔但也算滑溜
◎ 壽司兩款 | 3/5
間八 / 赤鯥
兩款魚料都厚切肥美，間八爽口，撒上柚子皮非常清香🍣舍利酸度相當低，偏硬略黏口，存在感唔算高。
◎ 松葉蟹最中餅 │ 3.8/5
最中餅上面加松葉蟹肉同海膽mousse, 上面再加上三文魚子、北海道海膽同魚子醬。滿滿的蟹肉食落清甜超滿足，海膽軟滑甜口，魚子醬吊出鮮味🦀最中餅有dd黏口，食起身會有點手忙腳亂
◎ 串燒兩串
//牛舌 | 3.5/5
//雞尾 | 4/5
熱辣辣燒起仲好燙口，牛舌肥美柔軟，鍾意重口味仲可以蘸一旁的胡椒味噌，我地就更鍾意原味更純粹食到油香🍢而雞尾就超有驚喜，應該係第一次挑戰雞尾，外皮好似薯片咁超脆，入面的肥膏係嘴裡微微爆開，油潤感充盈口腔。
◎ 韓風味噌燒黑豚肉 | 3.5/5
燒黑豚肥瘦相間，肥肉部位爽口不膩，瘦肉部分頗有嚼頭。味噌的甜味一定程度上中和了肥膩感覺，配上一邊的蔬菜食幾清爽
◎ 鮑魚冷麵 | 3.5/5
慢煮的鮑魚爽彈柔嫩，有淡淡的清酒味。肝醬比較清淡，整道菜將食客從頭先的厚重濃郁帶回清爽開胃。素麵沾落柚子汁入面夠酸好鍾意
◎ 甜品 - 柚子酒啫喱 |4.3/5
繼素麵的柚子汁之後，柚子再次出現貫穿始終🌿酒味唔會太濃烈，柚子的酸甜感非常突出，食完依然好回味。
————————————————————
♣️ 割烹 榊
☌ 尖沙咀漆咸圍10-12號1樓
◔12nm-3pm; 7pm-10pm (Wed Closed)
回頭率：🌕🌕🌕🌗🌑
環境：🌕🌕🌕🌗🌑
份量: 🌕🌕🌕🌕🌑
味道：🌕🌕🌕🌗🌑
價錢：HKD1298p.p(incl. 10% service charge)
张贴
