壽喜・關西

营业中

休息中

今日嚟到尖沙嘴一間關西風壽喜燒店 @sukikansaihk ，欣賞佢價錢貼地之餘，又做到關西風嘅感覺，而且味道認真幾好。依家仲搞緊個優惠，只要做齊即可免費獲得生啤一杯（白/黑）或 40g 和牛赤身一客！而且佢哋嘅和牛赤身同生啤一啲都唔Hea，赤身一樣軟嫩肉味濃郁。啤酒方面，小編見到個啤酒杯佢係特登喺雪櫃入面拎出嚟，雪到凍一凍，所以「頭幾啖」飲啤酒的時候，會飲出一層薄薄的「啤酒冰雹」，同壽喜燒形成冷熱交替嘅感覺！講返食物，小編今次試咗：180 gram牛板腱壽喜燒 $258呢度嘅牛板腱係選用日本黑毛和牛，而一隻牛只會生產出1%嘅板腱，非常珍貴，店家仲寫住每日只限18份，賣完即止。佢嘅特色係中間會有一條透明嘅筋，食落去肉質鮮嫩，但少少爽口，而且油花同瘦肉比例均勻，肉味同油香非常平衡。搭配佢哋自家嘅香甜壽喜燒汁，同生蛋，口感滑溜，帶陣陣焦糖香。120 gram赤身壽喜燒 $168你唔好聽佢叫赤身，冇乜油花，就以為佢會好韌。實際佢係選用日本黑毛A 4+和牛，已稻草為主食肉質軟嫩，肉味香濃，有唔少肉汁，有啲驚喜。每個壽喜燒餐亦都會搭配一份蔬菜、主食（烏冬／米飯）、甜品。大家記得蔬菜要最後先至落