影片
更多
2023-10-17
13 浏览
呢間開咗好耐都仲未試，呢日同爸爸食晚餐終於都過嚟試試。———————————————🌟蟹肉大良炒鮮奶 $148呢個非常推薦，其他餐廳真係好少見到呢個菜式，初初上台嘅時候白色一堆嘢都驚左一秒，但識落真係非常有驚喜。炒鮮奶入面加有蟹肉碎同少量炸米粉，一啖食落去好似食緊蟹蛋白，蟹香同奶味都非常融洽，佢仲配有蟹醋，真係會有刻錯覺以為啖啖都食緊蟹肉。.🌟西檸煎軟雞 $190此西檸雞真係不同彼西檸雞，西檸汁分裝而係係用新鮮檸檬調製而成，感覺個汁有啲似出面食檸檬撻嗰個味道齋食都超級好食。雞嘅部份炸過非常香口，皮薄又非常香脆，入面嘅雞仲要每一件都非常之嫩滑。.🌟招牌小籠包 $48蒸得啱啱好，入面嘅湯汁肉味香濃，一啖咬落去成個咀都可以感受到湯汁超正。.🌟鵪鶉蛋松露燒賣 $55特色燒賣仲要連鵪鶉蛋都係流心嘅，咬落去有蛋香又有松露香，值得推薦！.🌟燒叉燒包 $38佢嘅外型好似菠蘿包咁都幾有趣，但係你以為食落去係菠蘿包味結果又完全唔係，個皮係偏鹹少少，而且非常香脆，同時個皮都好薄唔使驚食完會太滯。.🌟蘿蔔絲酥餅 $42外皮又酥又脆，入面嘅蘿蔔絲切得好細條有少少甜味。.🔸整體評價🔸個人認為呢間真係好推薦，平時想
呢間開咗好耐都仲未試，呢日同爸爸食晚餐終於都過嚟試試。
———————————————
🌟蟹肉大良炒鮮奶 $148
呢個非常推薦，其他餐廳真係好少見到呢個菜式，初初上台嘅時候白色一堆嘢都驚左一秒，但識落真係非常有驚喜。炒鮮奶入面加有蟹肉碎同少量炸米粉，一啖食落去好似食緊蟹蛋白，蟹香同奶味都非常融洽，佢仲配有蟹醋，真係會有刻錯覺以為啖啖都食緊蟹肉。
.
🌟西檸煎軟雞 $190
此西檸雞真係不同彼西檸雞，西檸汁分裝而係係用新鮮檸檬調製而成，感覺個汁有啲似出面食檸檬撻嗰個味道齋食都超級好食。雞嘅部份炸過非常香口，皮薄又非常香脆，入面嘅雞仲要每一件都非常之嫩滑。
.
🌟招牌小籠包 $48
蒸得啱啱好，入面嘅湯汁肉味香濃，一啖咬落去成個咀都可以感受到湯汁超正。
.
🌟鵪鶉蛋松露燒賣 $55
特色燒賣仲要連鵪鶉蛋都係流心嘅，咬落去有蛋香又有松露香，值得推薦！
.
🌟燒叉燒包 $38
佢嘅外型好似菠蘿包咁都幾有趣，但係你以為食落去係菠蘿包味結果又完全唔係，個皮係偏鹹少少，而且非常香脆，同時個皮都好薄唔使驚食完會太滯。
.
🌟蘿蔔絲酥餅 $42
外皮又酥又脆，入面嘅蘿蔔絲切得好細條有少少甜味。
.
🔸整體評價🔸
個人認為呢間真係好推薦，平時想飲茶都剩係得啲大集團，今次試吓呢間真係好有驚喜，坐出面可以見到無敵海景，連飲茶都有凍茶同花茶，真係一間非常創新嘅茶樓。
张贴
