中庭 (裝修中)

繼上次介紹完九龍區點心放題後，反應比想像中更好，一於今次就介紹埋港島區，位於會展內，假日時間10am - 12noon 就食到既點心放題喇!以放題黎講，點心款式比想像中更多，仲要有誠意又有創意。✅中庭鮮蝦餃🦐賣相黎講都可以話係見過中偏有美感既，每道摺痕清晰，皮薄而質感爽口✅麻麻辣辣燒賣富有絲絲辣勁既燒賣，令人印象難忘✅脆炸南瓜粿🎃賣相真係好可愛，味道和質感也跟咸水角相近～✅每日老火靚湯🥣雖則點心為重點，但係例湯都真係必點，盡收精華於湯中，飲完都真係好想再enchore😚✅香濃紫薯包🍠據擁有多年自助餐經驗黎講，包類都係盡量避免，但係強烈建議留返少少位置俾佢而點心，只係開始！ 不忘仲會送埋「中庭」美食三層架同埋竹笙海鮮灌湯餃， 前者既亮點係鹽焗鮑魚同葡汁釀蟹蓋，朝早都食得咁豐富，好似下午茶咁，確係盡顯霸氣😎