牛摩+ (上水廣場) (已結業)

【北區】【牛摩+】去親北區，如果唔係自己食飯，一般都係同前電台同事周馬膠一齊食，今次亦都唔例外。去到上水廣場，本身係諗住食一間日式燒肉，之但係佢哋已經冇做放題，咁就放棄咗，退而求其次之下，就去咗呢間「牛摩+」打邊爐。之前都食過呢間但係後面係冇個加號嘅，我都唔知個加號係代表 add 吖，positive 吖，定係 plus 喇，差唔多料就入去啦。我哋揀咗有牛嘅最平嗰個餐， $149 嘅「午市特選美國牛肩胛放題」，本身係 $139 嘅不過星期六日貴啲。湯底方面佢哋係一人一鍋嘅設計，周馬膠揀咗經典和風嘅「關東風壽喜燒」附「雞蛋」一隻嘅，佢就話質素 okay。我就食本土風味嘅「港式特濃沙爹湯」，估唔到佢哋做開日式火鍋，港式沙嗲個味都幾濃幾香，係唔錯喎。個餐就有「特選美國牛肩胛」、「羊卷肉」、「豚肉」、「雞肉」、「牛摩+飯」、「黃金花枝棗」等食物任食，而場裡面本身亦都有其他食物、甜品、醬料嘅 bar 可以畀客人享用，加上兩個大雪櫃嘅嘢飲亦都係可以任飲嘅。味道上我覺得整體嚟講都唔錯，當然我係基於兩位埋單價 $328 嚟講，一人百零蚊其實又確係唔可能要求太多，但起碼對得住個價甚至都算抵食。我幾中意牛