影片
更多
2022-05-08
133 浏览
【正宗台式火鍋 大量台灣直送美食😋 】📣今次黎牛大人仲拍左個reel😝歡迎大家去同名IG睇睇❤️作為牛肉控既我其實好鍾意去打邊爐，因為有平時食唔到既牛肉部位同埋種類；琴日就趁著放假拉埋男朋友去試下十分之出名既《牛大人》😛老實講我都期待左好耐好耐，因為一直而黎都聽唔少朋友讚佢話好食，反而我就未試過，今次終於到我試啦😙我地今次就叫“澳洲極上和牛”套餐，限時120分鐘，週末19:30前離座係$288/人🤣◦ 湯底 - 牛大人紅燒牛骨鍋湯底相當足料，除左牛骨之外，仲有、冬菇、紅棗、龍眼、杞子等配料，而且聽講係經過慢火長時間燉製，十分清香濃厚，口味唔會太重，第一次食台式老火牛骨邊爐湯底，估唔到都幾驚喜😍醬汁方面都有幾多款特色醬汁，例如洋蔥牛肉汁、台灣甜辣醬、蘿蔔泥等等，值得加分既係每種醬汁都有蓋，感覺比較衛生❤️◦ 肉類肉類方面選擇都幾多，我地呢個套餐就包左11樣肉，當中有7樣都係牛，對於牛肉控黎講真係勁勁勁滿足🤩私心最推薦係澳洲和牛M5牛肩卷，覺得佢肉味最濃郁，而且和牛脂肪分佈好靚口感好正！◦ 滑/漿類我地分別叫左4款漿，當中澎湖花枝漿同真味牛肉漿係台灣直送架😝另外兩款分別為干貝鮮魚漿同埋章魚珍珠
📣今次黎牛大人仲拍左個reel😝歡迎大家去同名IG睇睇❤️
作為牛肉控既我其實好鍾意去打邊爐，因為有平時食唔到既牛肉部位同埋種類；琴日就趁著放假拉埋男朋友去試下十分之出名既《牛大人》😛老實講我都期待左好耐好耐，因為一直而黎都聽唔少朋友讚佢話好食，反而我就未試過，今次終於到我試啦😙我地今次就叫“澳洲極上和牛”套餐，限時120分鐘，週末19:30前離座係$288/人🤣
◦ 湯底 - 牛大人紅燒牛骨鍋
湯底相當足料，除左牛骨之外，仲有、冬菇、紅棗、龍眼、杞子等配料，而且聽講係經過慢火長時間燉製，十分清香濃厚，口味唔會太重，第一次食台式老火牛骨邊爐湯底，估唔到都幾驚喜😍
醬汁方面都有幾多款特色醬汁，例如洋蔥牛肉汁、台灣甜辣醬、蘿蔔泥等等，值得加分既係每種醬汁都有蓋，感覺比較衛生❤️
◦ 肉類
肉類方面選擇都幾多，我地呢個套餐就包左11樣肉，當中有7樣都係牛，對於牛肉控黎講真係勁勁勁滿足🤩私心最推薦係澳洲和牛M5牛肩卷，覺得佢肉味最濃郁，而且和牛脂肪分佈好靚口感好正！
◦ 滑/漿類
我地分別叫左4款漿，當中澎湖花枝漿同真味牛肉漿係台灣直送架😝另外兩款分別為干貝鮮魚漿同埋章魚珍珠漿；牛大人既滑真係整得幾出色，感覺新鮮同埋手打既，而且好香好滑，例如章魚珍珠漿就真係見到大大粒章魚肉係入面，高質😍
◦ 其他配料
超過30款火鍋配料，當中我覺得最推薦既係：澳洲M9和牛牛丸(我地呢個套餐每人限2粒)，肉汁相當豐富，肉味好夠；另外仲有就係芋頭貢丸，估唔到都幾夾👍🏻，值得一試，絕對唔係坊間好多粉個種假丸；蔬菜類例如皇帝菜同生菜🥬都幾新鮮，配埋牛骨湯底令D菜勁好味😋
◦ 小食
聽講佢地既小食全部都係台灣直送‼️我地分別叫左士林鹽酥雞、真豬小香腸、梅甘酥脆薯，呢三款都係好有台灣夜市小食個種味道，份量細細地唔怕太飽🥰
◦ 飲品
至於飲品，哩度除左可以嗌嘅4款特飲之外，自助區都有多款茶包同埋罐裝飲品。今次試左金桔椰果、烏梅汁、白桃烏龍茶，三款各有特色；當中最鍾意係白桃烏龍，好香白桃味，感覺幾消滯😆
◦ 甜品
我地分別叫左一份仙草凍同埋Movenpick士多啤梨🍓味既雪糕；推薦大家試試仙草凍，覺得材料都幾多，包括涼粉、珍珠、花生、紅豆🫘等，口感豐富而且可以冷卻番岩岩食完咁多熱野既喉嚨☺️
◦ 環境 & 服務
我地為左避開人群特登揀5點去食，估唔到同我一齊搭𨋢全部人都係牛大人呢一層出，勁誇張😂走個陣7點多D，同樣門口係企滿人等位。服務都唔錯，上菜都幾快，空碟亦會及時收走👍🏻
整體而言，我覺得餐廳無論係食物種類同質素都對得住佢嘅人氣，中意打邊爐嘅朋友就唔好錯過啦😋！
📍牛大人
荃灣眾安街55號大鴻輝(荃灣)中心16樓 (到訪分店)
旺角彌敦道628號瓊華中心9樓
旺角彌敦道610號荷李活商業中心地庫
尖沙咀加拿分道20號加拿芬廣場2樓
銅鑼灣駱克道463-483號銅鑼灣廣場二期5樓
觀塘開源道79號鱷魚恤中心5樓
沙田沙田正街11-17號偉華中心2樓9A-9B號舖
张贴
