The Old Book Store by The So Lonely Club

营业中

休息中

一間餐廳嘅成功，食物、服務固之然重要，但有個人風格嘅裝修設計亦同樣會加分。就好似呢間位於銅鑼灣 Tower 535 嘅西餐廳，呢度大玩英倫復古書店裝修，店內除咗有多個打卡位外，仲有唔少特色擺設，連個餐牌都玩味十足，風味獨特。不過話時話，唔好俾佢充滿異國風情嘅裝修呃到，其實店內主打泰式Fusion菜式，冬蔭公虎蝦意大利麵、沙嗲雞肉串擔擔飯、冬蔭公海鮮泡飯等，東南亞風味十足，夠晒有創意。🍴青檸凍的蜆 ($108)蜆肉比想像中更大隻，食之前記得沾多啲醬汁一齊食，酸酸地又辣辣地，充滿泰式風味之餘，亦非常惹味，絕對係嚟到必食嘅開胃前菜。🦐烤大蝦海鮮椰香喇沙飯 ($118) 喇沙食得多，喇沙飯都係阿叔第一次食。大大隻烤大蝦，配埋青口、魷魚同椰香飯，單睇呢個賣相，就已經覺得好吸引，食落嘅感覺就有啲似微辣版嘅意大利飯咁，飯粒夠creamy，少少辣，值得一食。🦀避風塘軟殼蟹意大利麵 ($118)軟殼蟹加上大量炸蒜原隻上，真正酥脆內軟，香辣惹味。🍮季節濃茶焦糖布丁 ($68)原來係泰式奶茶味嘅布甸，奶茶味超香濃，味道又唔算好甜，啱晒阿叔口味。