影片
更多
2023-05-20
357 浏览
係Openrice留意到呢間性價比好高嘅日本餐廳，一個丼飯都係幾十蚊所以就決定去呢間試試！去到發現原來平食到高質和牛都一樣有，選擇都算多，所以都推介一下比大家😚———————————————🌟千盛A5藤彩牛壽喜燒 $188本身真係冇諗過小店都有高質牛食，見到呢個壽喜燒寫A5和牛真係即試試佢。佢成份壽喜燒有5塊和牛，每一塊都可以見到果個油脂豐富，放入口真係有種溶化嘅味道。後來店員都有同我地講佢地係選擇熊本懸嘅A5和牛，因為當地火山地質有豐富礦物質，所以都會比較肥同埋油花甘香會出少少。除咗本身嘅牛以外，鍋底汁調味都唔錯，下面亦都有齊菇菌類、京蔥同蔬果類，份量差唔多係一個人份量，如果比較細食就可能會覺得有啲多，不過個人覺得兩個人食可以再叫多少少其他款式，因為餐廳真係有好多選擇～.🌟原條茄子 $48茄子切半燒，上面蒜蓉都係經過醃製，放上茄子上燒令到味道都滲曬入去，另外餐廳仲有加額外調味令成條茄子更香。.🌟金菇牛肉卷 $24一共有3舊，面頭加有好多調味料，食落都多汁惹味😋.🌟魷魚鬚 $22呢個魷魚鬚份量都唔錯，食落都彈牙，不過味道上有少少偏咸。.🔸整體評價🔸小店感覺都好有人情味，店員都會好熱情去
係Openrice留意到呢間性價比好高嘅日本餐廳，一個丼飯都係幾十蚊所以就決定去呢間試試！去到發現原來平食到高質和牛都一樣有，選擇都算多，所以都推介一下比大家😚
———————————————
🌟千盛A5藤彩牛壽喜燒 $188
本身真係冇諗過小店都有高質牛食，見到呢個壽喜燒寫A5和牛真係即試試佢。佢成份壽喜燒有5塊和牛，每一塊都可以見到果個油脂豐富，放入口真係有種溶化嘅味道。後來店員都有同我地講佢地係選擇熊本懸嘅A5和牛，因為當地火山地質有豐富礦物質，所以都會比較肥同埋油花甘香會出少少。除咗本身嘅牛以外，鍋底汁調味都唔錯，下面亦都有齊菇菌類、京蔥同蔬果類，份量差唔多係一個人份量，如果比較細食就可能會覺得有啲多，不過個人覺得兩個人食可以再叫多少少其他款式，因為餐廳真係有好多選擇～
.
🌟原條茄子 $48
茄子切半燒，上面蒜蓉都係經過醃製，放上茄子上燒令到味道都滲曬入去，另外餐廳仲有加額外調味令成條茄子更香。
.
🌟金菇牛肉卷 $24
一共有3舊，面頭加有好多調味料，食落都多汁惹味😋
.
🌟魷魚鬚 $22
呢個魷魚鬚份量都唔錯，食落都彈牙，不過味道上有少少偏咸。
.
🔸整體評價🔸
小店感覺都好有人情味，店員都會好熱情去推介食物，見有幾台都係過嚟一邊飲啤酒一邊食串燒。不過人手唔算多，所以出餐會慢少少，最適合朋友仔過嚟Chill住食🥰
张贴
