蒙麵

营业中

休息中

【九龙城区】【蒙面】红磡呢间车仔面一向劲受欢迎，次次经过都见到有人排队，咁我梗系都想见识吓系咩一回事。然而当我想去食嘅时候，佢一系就冇开，一系就去到见到条人龙劲长，完全冇 mood 食。一次偶然机会，居然见到佢有位，即刻入去。见佢嘅座位真系唔多，所以如果味道可以的话，平时要排队都合情合理。坐低就自己写车仔面配咩料。汤底我加 $16 要佢哋嘅「特浓番茄薯仔汤」，面底我加 $15 要「银针粉」，都系呢度名物，即叫即煮，好有屋企 feel，几好。𩠌我要咗五款，有 $12 嘅「卤包仔豆腐」，卤得几好嘅豆腐，喺汤入面都冇甩到个味。跟住 $16 嘅「五香牛筋」都好味，仲炆得够腍。之后到 $11 嘅「香菇贡丸」，本身冇特别，但好明显系即刻灼出嚟，唔系整定𠮶啲，感觉好好。店家为咗保留味道，有啲𩠌选择咗另上，例如 $14 嘅「溏心卤蛋」，唔算好突出但其实都系唔错嘅。然后 $16 嘅「辣味鱿鱼」似系自家制作，辣辣哋好惹味，咁样加埋齐头 $100。加 $9 配杯「冻柠茶走甜」就 $109 埋单，可以一战嘅。。。（地址：红磡差馆里 9-15A 号协辉大厦地下 1 号舖）#1amfoodie #foodie #