影片
更多
2023-07-20
685 浏览
今次約咗位中環返工嘅朋友仔一齊食飯，前排留意到呢間$148有先助午餐食嘅印度餐館，就決定同朋友一齊試。 因為都算多菜式，我就特別簡幾個個人比較推介嘅同大家介紹下🥰———————————————🌟Butter ChickenButter Chicken基本上係印度菜必叫之選，呢度嘅Butter Chicken味道好香好濃，食落一啲都唔辣反而有種忌廉香。雞肉基本上都已經醃製過，而且肉質都夠曬腍。另外佢有可以refill嘅Garlic Naan，可以不停叫嚟點Butter Chicken食🤭.🌟迷你Dosa餐廳有現場整Dosa服務，會有廚師將米漿倒上鐵板上煎，加有咖哩薯仔蓉係入面，包起佢之後就會成塊Pancake咁，然後再加蕃茄同椰子醬食。椰子醬仲有好多好似椰絲嘅口感，令到成個Dosa口感更豐富。.🌟Pani Puri呢個係放有類似薯泥係入面嘅印度脆米球，佢仲配有個綠色帶薄荷香嘅汁，我地一開始係倒曬成杯入去再食，但職員後來同我地講原來可以倒少少就可以，食完再飲埋個汁就ok，整體味道都好有趣，特別係加有個汁後成個味道會感覺好清新。不過呢個汁味道相對比較青，可能部份朋友仔未必會鍾意，建議大家先試
今次約咗位中環返工嘅朋友仔一齊食飯，前排留意到呢間$148有先助午餐食嘅印度餐館，就決定同朋友一齊試。 因為都算多菜式，我就特別簡幾個個人比較推介嘅同大家介紹下🥰
———————————————
🌟Butter Chicken
Butter Chicken基本上係印度菜必叫之選，呢度嘅Butter Chicken味道好香好濃，食落一啲都唔辣反而有種忌廉香。雞肉基本上都已經醃製過，而且肉質都夠曬腍。另外佢有可以refill嘅Garlic Naan，可以不停叫嚟點Butter Chicken食🤭
.
🌟迷你Dosa
餐廳有現場整Dosa服務，會有廚師將米漿倒上鐵板上煎，加有咖哩薯仔蓉係入面，包起佢之後就會成塊Pancake咁，然後再加蕃茄同椰子醬食。椰子醬仲有好多好似椰絲嘅口感，令到成個Dosa口感更豐富。
.
🌟Pani Puri
呢個係放有類似薯泥係入面嘅印度脆米球，佢仲配有個綠色帶薄荷香嘅汁，我地一開始係倒曬成杯入去再食，但職員後來同我地講原來可以倒少少就可以，食完再飲埋個汁就ok，整體味道都好有趣，特別係加有個汁後成個味道會感覺好清新。不過呢個汁味道相對比較青，可能部份朋友仔未必會鍾意，建議大家先試左下個汁味道先再決定倒幾多。
.
🌟乳酪鷹嘴豆泥沙律
呢個係前菜果邊嘅一少兜沙律，個人係覺得超好食🤣其實我唔係好知佢叫咩名因為佢冇個牌，但佢整體就係鷹嘴豆泥底，加有乳酪、脆條、石榴粒同一種特調醬汁，食落酸酸甜甜口感又豐富，令人有驚喜！
.
🌟Mango Lassi
芒果味道出，絕對唔係假芒果味，而且甜度都適中，值得推薦。但我個人唔係好知其實仲有咩飲品簡，因為我去之前睇Openrice就係決定咗要飲呢個，冇問到有咩其他飲品，大家可以先問一問有咩飲品選擇先～
.
🔸整體評價🔸
環境都好舒適，而且服務到位。食物質素整體感覺都ok，有多款特色印度菜，係有少量果啲香料未必啱口味，但基本上想食嘅印道菜式都好齊全，如果大家有時食晏想試下新口味嘅話呢間其實都幾啱食👍🏻
张贴
