四季常餐 (德輔道中)

营业中

休息中

最近勤力咗好多，係時候出黎周圍搵下嘢食，會勤力啲介紹下先。係中環有時搵啲平小小都要搵下，呢間係恒生附近，勁容易搵到。如果可以等下，雖然座位唔算好多，但都快嘅人流走得。唔等得都有外賣自取，總有啱你。特濃沙牛，48元，真係夠濃，肉都無hea你，唔錯。炒蛋係好滑，多士就正常。叉燒炒蛋配豉油，58元，叉燒剛好，唔會過肥，蛋都係滑，每啖都夠食到，唔錯。茄牛通，48元，湯都幾多，偏淡，肉各樣都正常瑞士汁乾炒牛肉通（下午茶），43元，有生蛋加落去，幾特別。因為家人想食乾炒河，但無呢樣，叫呢樣頂上。