影片
更多
2022-10-24
566 浏览
上環日本菜選擇唔多，呢間餐廳基本上係我哋午餐時食日本菜首選。平時如果要食都一樣要提早少少，餐廳本身唔接受預約，只接受walk-in，仲要齊人先可以入座㗎！Lunch set 一共有十款，仲有Omakase可以選擇，但基本上大家食得最多都係壽司定食，亦係相對性價比比較高以及受歡迎嘅一款。———————————————🌟政壽司定食 $168餐廳一般會先上前菜同烏冬，包括有一份小沙律同一個茶碗蒸。沙律本身冇咩特別，茶碗蒸材料唔係特別多，包括有雞肉同冬菇，蛋本身亦夠滑身。而烏冬就冇包含肉類，但個湯底食落都唔錯，特別係烏冬上面鋪上天婦羅脆脆，即使浸落湯上菜嘅時候都依然覺得香脆。壽司定食本身包含9件手捏壽司，刺身大多都非常鮮甜，特別要推介嘅係大大啖帆立貝壽司，食落鮮甜又啖啖肉，非常滿足。另外仲有海膽軍艦同蔥粒吞拿魚軍艦，呢個價錢就可以食到咁多高質壽司，性價比非常高！.🌟吞拿魚丼定食（赤身、吞拿魚腩、香蔥吞拿魚腩） $248呢個丼性價比相對冇咁高，但就啱曬鍾意食吞拿魚嘅朋友仔，定食一樣都會有包齊沙律、茶碗蒸同烏冬，而丼本身就包左三種吞拿魚，全部都非常新鮮，吞拿魚腩表面已經可見到佢嘅油脂分佈同光澤，食
———————————————
🌟政壽司定食 $168
餐廳一般會先上前菜同烏冬，包括有一份小沙律同一個茶碗蒸。沙律本身冇咩特別，茶碗蒸材料唔係特別多，包括有雞肉同冬菇，蛋本身亦夠滑身。而烏冬就冇包含肉類，但個湯底食落都唔錯，特別係烏冬上面鋪上天婦羅脆脆，即使浸落湯上菜嘅時候都依然覺得香脆。壽司定食本身包含9件手捏壽司，刺身大多都非常鮮甜，特別要推介嘅係大大啖帆立貝壽司，食落鮮甜又啖啖肉，非常滿足。另外仲有海膽軍艦同蔥粒吞拿魚軍艦，呢個價錢就可以食到咁多高質壽司，性價比非常高！
.
🌟吞拿魚丼定食（赤身、吞拿魚腩、香蔥吞拿魚腩） $248
呢個丼性價比相對冇咁高，但就啱曬鍾意食吞拿魚嘅朋友仔，定食一樣都會有包齊沙律、茶碗蒸同烏冬，而丼本身就包左三種吞拿魚，全部都非常新鮮，吞拿魚腩表面已經可見到佢嘅油脂分佈同光澤，食落口嘅時候更加係入口即化，魚香非常濃郁。
.
🔶整體評價🔶
其實鮨政嘅食物質素一向都好好，特別係食材方面一直都令人感覺非常新鮮，份量亦都好足。但最近拜訪嘅兩次都感覺到質素有所下降，刺身選材方面冇過去咁吸引，特別要強調最近兩次拜訪烏冬都係完全唔夠熱，就好似一早整好放係度連個湯底都已經放涼咗。但暫時嚟講我都相信佢會回復返過去嘅水平，我依然都係會推薦大家去食呢間性價比高嘅日本餐廳！
.
✨優惠小貼士✨
Aeon 信用卡可享9折優惠 (超抵😆）
.
🔸味道：8/10
🔸環境：7/10
🔸服務：7/10
🔸打卡指數：6/10
———————————————
🍽️鮨政 Sushi Masa
📍上環蘇杭街105號地下
G/F, 105 Jervois Street, Sheung Wan
———————————————
👉🏻#hkchiller美食地圖_上環
👉🏻#hkchiller午餐推介
👉🏻#hkchiller_日本菜
张贴
