影片
营业时间
今日营业
12:00 - 15:00
18:00 - 22:30
星期一至日
12:00 - 15:00
18:00 - 22:30
以上资料只供参考，请与餐厅确认详情
食得太多连锁寿司店，间唔中都想食吓高质寿司，于是嚟咗上环呢间鮨政。铺头由日本寿司师傅主理，鱼生用料新鲜，而且都系大大片厚切。寿司拼盘(特上) $580我哋叫咗个特上寿司拼盘，有11款唔同嘅寿司，另外仲有嫩滑嘅厚烧玉子同6件葱吞拿鱼腩细卷。叫得做特上，寿司食材用嘅都系高档新鲜鱼生，好似有大吞拿鱼腩、中吞拿鱼腩、油甘鱼腩、三文鱼腩几款肥美同油香十足嘅鱼腩部位。亦有肉质较弹嘅深海池鱼同鲷鱼、好香炭烧味嘅鳗鱼、厚肉带子、鲜甜creamy嘅海胆、鲜味爆汁嘅三文鱼子。而最印象深刻嘅一定系醋鲭鱼，师傅加咗少少姜葱喺面，食落竟然完全冇平时鲭鱼会食到嘅腥味。白烧鳗鱼 $98除咗寿司我哋都叫咗份白烧鳗鱼，鱼皮果面烧到好脆，但同时鱼肉果面系非常软熟，分别点盐、wasabi 或者柠檬汁食，带出嘅味道又会有d唔同。炸生蚝 $128铺头做紧蚝嘅期间限定料理，我哋就叫咗份炸生蚝。生蚝好水嫩鲜甜，吉列脆皮好香口，4只炸蚝但就已经有3款酱汁佐料(照烧汁、沙律酱同抹茶盐)可以配搭嚟食。。。鮨政 (上环)上环苏杭街105号地舖。。
继续阅读
Blingbling美食推介✨📍上环鮨政 Sushi Masa✨日本师傅主理寿司店｜期间限定惊喜登场‼️💠💠💠💠💠💠💠💠真系一试爱上😋无论系寿司，定小食，食物quality都好高！好新鲜~ 连薯仔沙律都做得好有惊喜！☺CP值极高，全部都系高质出品，无论打卡定慢慢叹都一流！✨🥗 薯仔沙律 $68睇落平平无奇，但一食就知唔简单！薯仔唔系净系压成蓉咁简单，而且仲有薯仔幼丝，食落口感超级丰富😋再加埋流心蛋，令整体口感更绵密滑溜☺ 大爱！！❤️🍣 寿司拼盘 $480- 三文鱼、油甘鱼、吞拿鱼、甜虾、鲷鱼、带子、葱吞拿鱼腩同埋三文鱼腩细卷卖相已经好吸引🥰每一款都好新鲜，一次过满足所有寿司控❤️师傅即场制作，每一件好正✨🍤 杂锦天妇罗（小）$108- 虾、茄子、冬菇、番薯外皮薄脆不油腻，样样都炸得香口又保留原味～配埋天妇罗汁更加一绝！🦪 期间限定！炸生蚝串 $128酥脆外层＋爆汁生蚝，咬落鲜味满溢～热辣辣上枱即食最正！错过会后悔～餐厅环境：💎💎💎💎💎/5服务质素：🌸🌸🌸🌸🌸/5食物味道：😋😋😋😋😋/5性价比：💰💰💰💰💰/5
继续阅读
冬天特别多肥美鱼种，𫚕鱼是其－，而且只有这个季节才有，经过「鮨政」见有推广，特别约妈咪一齐去品尝。𫚕鱼刺身 $138色泽淡粉红，脂肪溶化在肌肉内，肉质非常软熟，余韵甜美。𫚕鱼寿司三味 $98三种处理方法，风味各异，原味的简单以少许蒜粒调味，吃其清甜；酱油渍的一件加上芥末盐，层次丰富的味道；中间是炙烧，沾上少少酸姜及青葱，半熟的讨好口感。大吞拿鱼腩寿司 $65我最爱的大吞拿鱼腩，入口即化，完全无筋，价钱公道。香葱吞拿鱼手卷 $50香葱、吞拿鱼蓉与脆卜卜的紫菜，绝对是完美的组合，口感一流。和牛寿喜烧锅 $360 加乌冬$30冬天总要来一个热锅作主食，汤头带甜的寿喜烧是我喜欢的口味，和牛肥美，蔬菜材料丰富，冬菇及滑豆腐非常美味。整体水准唔错，环境舒适，价钱合理。
继续阅读
上星期同朋友庆祝生日，拣咗呢间寿司店，好多年前已经喺香港仔食过，今次去上环店食晚餐😋 坐喺寿司吧台可以睇住师傅嘅功架，未食已经有视觉享受🤩寿司拼盘 $480份量好大，总共有14件寿司再加六件三文鱼小卷，种类超丰富，有赤身，油甘鱼，三文鱼，帆立贝，甜虾，葱吞拿鱼等，每件寿司都大大件，鱼生新鲜，食落去好鲜甜😋海胆军舰 $68海胆堆到好似小山咁，一入口鲜味直接爆发😍三文鱼子军舰 $62咬落卜卜脆，咸香嘅滋味一流，口感超正🤩火焰鳗鱼寿司 $55现场炙烧香气十足，鳗鱼肥美之余带住焦香，必试！真鲷鱼头面豉汤 $68食完寿司饮返个热汤，汤底充满鱼香，一啲都唔腥，饮落暖笠笠。鱼头劲大个，肉质嫩滑，够晒两个人食。炸串拼盘 $138有炸鱼，莲藕，炸虾等，外层酥脆，内里软嫩，味道唔错。今次嚟上环店依然保持到水准，服务周到，仲好有气氛，超适合同朋友庆祝生日，下次一定再嚟！评分：最高为5分治愈度：👩⚕️👩⚕️👩⚕️👩⚕️抵食度：💉💉💉💉翻兜指数：🩺🩺🩺🩺@sushimasa_sheungwan鮨政上环苏杭街105号地舖📍上环港铁站A2出口4分钟路程#healingbobo #foodie #hkfoodie #foodiehk #香港 #美食 #香港美食 #上环 #SheungWan #上环推介 #上环美食 #日本菜 #高质 #刺身 #寿司 #SUSHI #厨师发办 #SushiMasa #鮨政
继续阅读
🍣日本师傅坐镇 - 鮨政🍣呢排唔敢去日本，但系又想食正宗嘅日本嘢，于是我哋选择咗鮨政。最著重食材嘅味道同新鲜，果然冇失望！我哋被安排咗喺bar 枱，可以睇住师傅专心主理食材，可以同师傅互动一下。🤭以下系我哋心水推介：🍣 寿司特上拼盘呢个拼盘真系必食！用嘅全都系高档食材，有吞拿鱼腩、油甘鱼腩、海胆，仲有深海池鱼同埋鲷鱼。每一口都充满鲜味，我见到每台几乎都会嗌，跟住就冇错。我哋仲加咗个软壳蟹手卷，个软壳蟹热辣辣咁样上碟，真系啖啖肉。🍤 杂锦天妇罗呢个天妇罗一食就知道质素高，虾系哈肥美同弹牙，炸粉又啱啱好，唔油。其他配料例如番薯、茄子、冬菇同蟹柳都好出色，食到口感多元化。🍲 真鲷鱼头面豉汤呢碗汤真系手工之作，饮落去可以感受到骨胶原嘅味道，啖啖清甜鱼味融在口中。食材新鲜、味道正宗，追求日本感觉必去🫶🏻
继续阅读