影片
更多
2024-05-01
6 浏览
中上环荷李活道一带西餐厅林立，今次去到上环Bacchus品尝法国菜Fine Dining ，Bacchus系古希腊酒神嘅意思，顾名思义，餐厅提供多达800种嚟自世界各地靓酒，仲聘请咗法藉大厨Mickael Messina同埋侍酒师Hervé Pennequin坐镇，大厨利用法国同埋日本嘅优质食材，更按季节推出唔同嘅Menu，炮制出fusion法国菜，每道菜色精致又有创意，配上Hervé精选嘅美酒，系真正美酒佳肴享受。餐厅内里灯光柔和，格调浪漫，环境舒适，更设有包厢同埋露天户外座位，系情侣约会嘅不二之选。8 Course Opera Tasting Menu ($1,280/ person)Parker House /Whipped Brown Butter自家制黑蒜面包，烘至微热，口感松软，搭配用黑蒜同埋日本白酱油调制而成嘅牛油，令牛油味更丰富突出。Kanpanchi / Ponzu / Caviar鱼子酱金箔𫚕鱼，用上金色盒盛载，打开嘅时候充满仪式感，西班牙鱼子酱配上日本𫚕鱼刺身，口感细腻，用上正宗贝壳匙羹，黑鱼子带有咸咸嘅鲜味，鲟鱼卵丰腴嘅鱼油喺口中爆开； 𫚕鱼刺身肥美香滑，配上金
中上环荷李活道一带西餐厅林立，今次去到上环Bacchus品尝法国菜Fine Dining ，Bacchus系古希腊酒神嘅意思，顾名思义，餐厅提供多达800种嚟自世界各地靓酒，仲聘请咗法藉大厨Mickael Messina同埋侍酒师Hervé Pennequin坐镇，大厨利用法国同埋日本嘅优质食材，更按季节推出唔同嘅Menu，炮制出fusion法国菜，每道菜色精致又有创意，配上Hervé精选嘅美酒，系真正美酒佳肴享受。
餐厅内里灯光柔和，格调浪漫，环境舒适，更设有包厢同埋露天户外座位，系情侣约会嘅不二之选。8 Course Opera Tasting Menu ($1,280/ person)
Parker House /Whipped Brown Butter
自家制黑蒜面包，烘至微热，口感松软，搭配用黑蒜同埋日本白酱油调制而成嘅牛油，令牛油味更丰富突出。
Kanpanchi / Ponzu / Caviar
鱼子酱金箔𫚕鱼，用上金色盒盛载，打开嘅时候充满仪式感，西班牙鱼子酱配上日本𫚕鱼刺身，口感细腻，用上正宗贝壳匙羹，黑鱼子带有咸咸嘅鲜味，鲟鱼卵丰腴嘅鱼油喺口中爆开； 𫚕鱼刺身肥美香滑，配上金箔同埋紫苏花穗作点缀，尽显奢华，充满视觉享受。
Polmard Beef Tartare / Smoled Pike Roe
牛肉他他配烟熏梭子鱼子，卖相好似一个小盆栽，好可爱。脆皮包住软腍顺滑嘅牛肉他他，牛肉嚟自法国Polmard，表面放入烟熏梭子鱼子，牛肉嘅鲜味加上梭子鱼子嘅咸鲜令到牛肉味道层次更丰富。
Ceps Mushroom / Soup
牛肝菌忌廉汤，牛肝菌嘅香气搭配经典法式蘑菇泥，入口顺滑，忌廉汤味道鲜香，带有香浓菇味。
Red Snapper / Tomato / Chorizo / Basil
红鲷鱼配蕃茄罗勒，红鲷鱼煎得香脆，肉质鲜嫩，搭配清新嘅罗勒同埋味道微酸蕃茄酱汁去调味，好开胃。
UnI / Linguine / Red Prawn / Green Mango / Wasabi
海胆红虾青芒果芥末意粉，意粉煮至Al dente，口感弹牙，相当挂汁，青芒果嘅酸味配上Wasabi芥末嘅香味，再加入北海道海胆，大大提升咗鲜味，仲有爽弹嘅红虾粒，味道层次感丰富，好特别。
65 Degree Iberic Pork Belly / Hawthorn / Hibiscus
主菜西班牙伊比利亚黑毛猪配山楂洛神花酱，伊比利亚黑毛猪系最矜贵嘅级别，用上65低温慢煮方式去处理，黑毛猪五花肉非常厚肉，肥瘦均匀，肉质软腍，脂肪部位入口即溶，紫薯嘅香甜配上山渣洛神花酱嘅酸味令到肉味更突出。
A4 Miyazaki Wagyu/ Yuzu Kosho / Black Olive
主菜A4宫崎和牛配黑橄榄柚子酱，宫崎和牛脂肪比例均匀，口感嫩滑，脂香浓郁，入口即溶，配合黑橄榄油同埋柚子嘅酸味，非常适合带有浓厚油脂香嘅和牛，令肉味更加提升。
Petit Fours
玛德莲蛋糕/伯爵茶蛋糕/朱古力/法式软糖，食到最后有四种唔同味道嘅甜品为今次Fine Dining晚宴画上完美句号。
张贴
