影片
更多
2023-02-22
188 浏览
上環返工嘅我約左另一位中環返工嘅朋友食飯，好快就係網上留意到呢間西班牙菜餐廳，位於荷李活道大館果邊。餐廳裝潢以輕工業風為主，用水泥牆設計，但內部設計及裝飾都非常時尚，有現代風酒館嘅感覺。———————————————🌟香桃鵝肝多士 Foie Gras Toast $108呢個小食食落超有驚喜，上台果刻見到賣相就已經好期待，鵝肝本身都有一定嘅厚度，而入面嘅脂肪分佈好好，食到中間更加嫩滑幾乎入口即溶非常香口。下面果塊多士亦都非常香脆，真係咬落去都會聽到聲果種。餓肝最上高仲有一小舊香桃帶有酸甜味，唔會搶咗鵝肝味嘅同時口感又更豐富，非常推薦呢個小食👍🏻.🌟水牛城雞翼 Buffalo Wings $88雞翼一共有4隻，食落好香而且皮脆嫩滑，味道方面辣度好足，不過個醬汁略嫌咸咗少少，蓋過咗本身水牛城醬汁果種酸味。.🌟西班牙海鮮燴飯 $328呢個西班牙燴飯份量非常足夠，兩個人分享食就最好。一開始個飯上面會有蒜蓉蛋黃醬，店員會建議您可以先試下個醬，如果啱食先再撈起成個飯。呢個蒜蓉蛋黃醬食落唔會話味道好重，但就有超香蒜蓉味，所以我哋都有專燈加埋檸檬汁撈一撈成個飯，撈完後食第一啖就已經覺得眼前一亮，個飯吸
———————————————
🌟香桃鵝肝多士 Foie Gras Toast $108
呢個小食食落超有驚喜，上台果刻見到賣相就已經好期待，鵝肝本身都有一定嘅厚度，而入面嘅脂肪分佈好好，食到中間更加嫩滑幾乎入口即溶非常香口。下面果塊多士亦都非常香脆，真係咬落去都會聽到聲果種。餓肝最上高仲有一小舊香桃帶有酸甜味，唔會搶咗鵝肝味嘅同時口感又更豐富，非常推薦呢個小食👍🏻
.
🌟水牛城雞翼 Buffalo Wings $88
雞翼一共有4隻，食落好香而且皮脆嫩滑，味道方面辣度好足，不過個醬汁略嫌咸咗少少，蓋過咗本身水牛城醬汁果種酸味。
.
🌟西班牙海鮮燴飯 $328
呢個西班牙燴飯份量非常足夠，兩個人分享食就最好。一開始個飯上面會有蒜蓉蛋黃醬，店員會建議您可以先試下個醬，如果啱食先再撈起成個飯。呢個蒜蓉蛋黃醬食落唔會話味道好重，但就有超香蒜蓉味，所以我哋都有專燈加埋檸檬汁撈一撈成個飯，撈完後食第一啖就已經覺得眼前一亮，個飯吸收曬龍蝦湯嘅精華，啲米食落亦都唔會話太腍反而相當有咬口。海鮮方面亦有青口、蜆同蝦，特別會想讚一讚啲蝦都幾大隻，蝦肉亦非常彈牙，仲要蝦頭煎香後入面都仲有好多蝦膏同汁，又甜又香。唯一有少少可惜係我哋可能撈得太快，飯焦唔算多，大家下次叫可以注意下。
.
🌟#2 Juice Train (Regular) $98
呢款澳洲手工啤酒精濃度係6.5%，果香味重，入口唔似啤酒反而有少少似水果汽水嘅感覺，飲落口先真係多返少少酒嘅味，比較適合一眾唔太鍾意苦啤嘅朋友。
.
🌟#4 Peaches & Cream Shake (Regular) $108
呢款一樣係澳洲嘅手工啤，濃度就6%左右，飲落第一下係好香桃味，但真正飲落會發現比想像中偏苦少少，但飲完後口腔最後會有少少回甘嘅味道。
.
🔸整體評價🔸
呢間餐廳絕對係一個好適合收工去嘅地方，成個感覺得都非常chill，我仲留意到有個外國人一個人都專燈過嚟叫杯手工啤同小食享受me time。餐單上其實真係有好多種唔同嘅西班牙小食，非常適合分享同佐酒。如果大家唔知飲咩手工啤好都可以問店員，店員會耐心介紹返唔同手工啤嘅味道同特色，仲會根據您口味比返個推薦您。另外都有留意到呢間餐廳有做lunch set，成個set都包唔少courses，上環返工嘅我表示下次有機會都會專燈過嚟試😆
张贴
