隠家拉麵工場 (已結業)

有名你叫『隠世』拉麵，單單係尋覓鋪頭嘅位置就已經有一點「柳暗花明又一村」嘅味道。話說『隠世』拉麵」係第一間將沾麵（即用麵條沾湯嘅食法）由日本引入香港嘅鋪頭，兼有日籍師傅座陣。而時至而家，仍打正旗號只獨孤一味賣沾麵！湯底方面就有白（原味）、黑（黑蒜）、赤（蕃茄，一開始仲以為係勁辣湯底！）。追加配料除左基本嘢外，仲有個叫Fireball嘅物體，原來真身係一大舊由辣椒碎砌成嘅紅色火球，成粒龍珠咁，真係睇見都滴汗！呢個就真係for食辣嘅人而設啦，真係食得辣嘅先好挑戰呀。三隻湯底，小妹食過黑同赤，各有特色不相伯仲，不過要留意番湯底本身會比較濃。店方亦提醒，個湯就算好味到你想飲哂佢，都最好加一加額外嘅清湯再飲，如果唔係真係會好鹹。材料方面，最正係個流心蛋，咬一口內裡嘅蛋黃即係流哂出嚟，食落亦有正宗流心蛋黃嘅微甜同順滑。兩大塊叉燒，肥瘦有致，咬落有咬口，唔錯唔錯。至於麵條，硬度適中，食落彈牙有質感，不過如果有得簡軟硬度會再好啲。抵食度：3.5/5好味度：3.5/5