鳳鳴石磨腸粉 (船塢街) (已結業)

今次試嘅係鳳鳴腸粉嘅加盟店～位於紅磡嘅石磨腸粉😆佢哋嘅獨特之處就係自家製食物同飲品特別係手工石磨「黑米」同「紅米」腸粉🖤❤️相比一般嘅腸粉更加有營養👍🏻調味醬料方面有七款有豉油、炸蒜、芫茜、麻油、芝麻、麻香汁同天椒粉豉油係自家製之餘仲一直加熱住 保持温度🙌🏻真係感受到自家製嘅小心思😎但其實我最鍾意嘅配料係麻香汁辣同麻嘅比例好啱我胃口😙———————————————#黑米蟲草花蝦米腸 ($29) 味道： 8.5/10石磨腸粉非常嫩滑🥰唔會有一般腸粉個種粉粉地嘅感覺而加左蟲草花嘅配搭意外地令我覺得好有驚喜因為蟲草花非常爽口爽脆加嫩滑嘅配搭食落非常有口感！聽講呢款仲係人氣之選!#石磨韭黃雞絲腸 ($24)味道： 7.5/10韭黃加雞絲嘅配搭都唔錯覺得食落有健康嘅感覺🤣不過我個人就鍾意另外果兩款多啲～#石磨雞蛋豬肉腸 ($24) 味道： 8/10呢間加盟店都有佢自己嘅風格架就例如呢一個雞蛋豬肉腸佢哋唔會將雞蛋打散咁就可以食到較重嘅雞蛋原味啦！-燒賣六粒、飲品 （+$12）#桂圓紅棗水 飲落非常清甜非常適合係咁炎熱嘅天氣飲#豆漿係平時飲嘅豆漿味 甜度適中#竹蔗茅根 味道比較淡不過清清地都好啱夏天—