影片
更多
2018-06-03
1139 浏览
※本文以用餐當日的環境、服務和食物質素為準，口味亦因人而異，文章只作參考之用。-有著東京第一這名銜既麵屋一燈，小妹第一次食竟然係台北而唔係日本，佢地既平貝雞湯拉麵真係令小妹一試難忘，無論湯底、拉麵同低溫慢煮既雞肉同叉燒都做得頗好。當知道「一燈」會黎香港開分店真係非常期待，不過要知道香港人最鍾意排隊，要我排成粒鐘食碗麵真係咪搞。到近來經過海港城發覺條長龍隊開始正常返，終於可以試下了。同男人平日七點去到，可以唔使等位直接入內。呢間一燈既座位比想像中闊落，佈置舒適；裡面坐位不少，相信要排隊的話都唔需要等好耐吧。這裡有凍檸檬水供應，每個坐位亦有小籃子讓客人置物，很貼心。拉麵款式一張點菜紙一目了然，分為拉麵、沾麵和數款期間限定，今次期間限定係「醬油」味拉麵，但搵黎搵去都唔見有雞湯拉麵？詢問之下原來稍後先會推出。最後小妹點了一碗油醬油拉麵，男人便點了沾麵，這裡的湯頭和麵條都無得選擇其濃度和軟硬。特製 秘製醬油拉麵 $158特製呢款比起「味玉」份量會多少少，每款肉都會有多一片，另有仲有一隻對半切開既溏心蛋。用上喜歡的幼麵身，麵條軟硬適中；深褐色的醬油湯，當中原來加了雞湯、昆布和魚介一同熬製，飲落係甘
-
有著東京第一這名銜既麵屋一燈，小妹第一次食竟然係台北而唔係日本，佢地既平貝雞湯拉麵真係令小妹一試難忘，無論湯底、拉麵同低溫慢煮既雞肉同叉燒都做得頗好。當知道「一燈」會黎香港開分店真係非常期待，不過要知道香港人最鍾意排隊，要我排成粒鐘食碗麵真係咪搞。到近來經過海港城發覺條長龍隊開始正常返，終於可以試下了。
同男人平日七點去到，可以唔使等位直接入內。呢間一燈既座位比想像中闊落，佈置舒適；裡面坐位不少，相信要排隊的話都唔需要等好耐吧。
這裡有凍檸檬水供應，每個坐位亦有小籃子讓客人置物，很貼心。
拉麵款式一張點菜紙一目了然，分為拉麵、沾麵和數款期間限定，今次期間限定係「醬油」味拉麵，但搵黎搵去都唔見有雞湯拉麵？詢問之下原來稍後先會推出。最後小妹點了一碗油醬油拉麵，男人便點了沾麵，這裡的湯頭和麵條都無得選擇其濃度和軟硬。
特製 秘製醬油拉麵 $158
特製呢款比起「味玉」份量會多少少，每款肉都會有多一片，另有仲有一隻對半切開既溏心蛋。
用上喜歡的幼麵身，麵條軟硬適中；深褐色的醬油湯，當中原來加了雞湯、昆布和魚介一同熬製，飲落係甘甜的味道，特別近喉嚨位個種甘味更加明顯；
另外低溫慢煮的雞肉和叉燒就有點失色，小妹得到的兩片雞肉咬落較為鞋口，叉燒切得比較薄身，味道還好。所附的溏心糖，蛋味濃郁還滿好食的。
特製濃厚魚介沾面 $168
基本上配料同我碗拉麵是一樣的，魚介湯味道真係超級濃厚，用上粗麵身的掛湯能力不俗。食到尾聲所添加的湯，飲落偏似海鮮湯，味道討好，男人覺得滿不錯的。就係沾麵湯底好快冷卻，這時可叫店員幫忙加熱啊！
张贴
