影片
更多
2020-03-22
8534 浏览
娛樂係一種滿足感，係一種無拘無束既自由。有時過住刻板枯燥既工作，個人得返個軀殼，好無靈魂。所以係時侯放低生活上既包袱，拎返以前昔日既熱血心態，將人生填返豐富既顏色，都唔係好難姐？近排愈黎愈多Omakase引入香港，自然競爭會變得愈黎愈大，加上面對疫情突如其來既突襲，要居安思危諗下計仔，自然一樣站得住陣腳。好似呢間係銅鑼灣新開既「Kura - 藏」除左每日有新鮮由日本空運既食材外，以日式設計打造瑰麗堂皇既環境。加上增設出面好少見既娛樂套房，仲有得一路飲住酒一路唱k，開正我個範呀!👇📌シェフ おすすめ コース - $480/Person♦ A P P E T I Z E R ▪ 野菜サラダ - ▫ 「胡麻沙律」最好就係用黎做前菜啦，整個dressing都被芝麻醬覆蓋住，入口酸酸甜甜。沙律菜夠爽口清涼，仲有炸魚仔既配搭，炸到夠哂脆身，非常好食，為之後既刺身打好準備。▪ 茶碗蒸し -▫ 唔少我我最愛既前菜「茶碗蒸」，處理既時間亦都岩岩好，所以入口嫩滑，餡料豐富，相當好食，絕對搵唔到可以挑剔既地方。♦ S A S H I M I -▪ 白身薄作リ -▫ 先黎個「間八刺身薄切」，以一藍一紅既小碟非
個人得返個軀殼，好無靈魂。所以係時侯放低生活上既包袱，拎返以前昔日既熱血心態，
將人生填返豐富既顏色，都唔係好難姐？近排愈黎愈多Omakase引入香港，
自然競爭會變得愈黎愈大，加上面對疫情突如其來既突襲，要居安思危諗下計仔，
自然一樣站得住陣腳。好似呢間係銅鑼灣新開既「Kura - 藏」
除左每日有新鮮由日本空運既食材外，以日式設計打造瑰麗堂皇既環境。
加上增設出面好少見既娛樂套房，仲有得一路飲住酒一路唱k，開正我個範呀!👇
📌シェフ おすすめ コース - $480/Person
♦ A P P E T I Z E R
▪ 野菜サラダ -
▫ 「胡麻沙律」最好就係用黎做前菜啦，整個dressing都被芝麻醬覆蓋住，入口酸酸甜甜。
沙律菜夠爽口清涼，仲有炸魚仔既配搭，炸到夠哂脆身，非常好食，為之後既刺身打好準備。
▪ 茶碗蒸し -
▫ 唔少我我最愛既前菜「茶碗蒸」，處理既時間亦都岩岩好，所以入口嫩滑，
餡料豐富，相當好食，絕對搵唔到可以挑剔既地方。
♦ S A S H I M I -
▪ 白身薄作リ -
▫ 先黎個「間八刺身薄切」，以一藍一紅既小碟非常搶眼。而間八魚亦姐係鱆紅魚，
重點係魚紋清晰顯現，色澤分明。而呢個薄切睇到師傅既刀架精細，
每一份都處理得厚薄均一，無得頂。質感黎講食落爽口彈牙，
口感柔軟帶少少香魚，沾上酸汁，非常好食。
▪ 金箔雲丹卜口 -
▫ 呢款「大拖羅二食」，以一款火灸同埋一款刺身兩種方式上碟，
火灸果款面頭上擺放左魚子醬同埋金箔，賣相就夠哂靚仔啦。
而火灸過之後，油脂迫哂出黎，入口充滿油香，夾埋底下紫蘇葉一齊食，特別香濃；
而刺身果款睇落色澤粉紅嫩白，面頭上擺放一大舊馬糞海膽，Staff會建議連埋一齊食，
入口嫩滑無筋，食到魚脂果種香甜之外，海膽仲入口即溶，真係正到不行了。
另外仲有d食用菊花可以點鼓油食，不妨一試。
♦ S U S H I -
▪ 甘鯛 -
▫ Staff建議先由白身魚開始食，呢個「甘鯛刺身」亦姐係面頭上擺左酸汁白蘿蔔蓉，入口清甜。
魚肉質感咬落有咬口夠彈性，魚香慢慢滲透出黎，果然係最岩用黎食第一道刺身。
▪ 北海道甘海老 -
▫ 「北海道甜蝦刺身」份量夠哂厚肉，就咁色澤就知相當新鮮無比。而面頭上擺左少少白松露，
一入口已經聞到好香濃，加上肉質鮮甜彈牙，果然係北海道出產既質素係最高，
用黎用壽司的確係不二之選。
▪ 銀だら -
▫ 第三道壽司以「火炙銀鱈魚」做季節性推介，銀鱈魚真係未試過係Omakase試過。而呢款魚身軟腍，
面頭擺左蘿蔔蓉，香濃嫩滑，肉質肥美爽滑，激活魚油果種香味，相當豐富，原來做壽司係咁咁正！
▪ うに -
▫ 再黎多一份「北海道馬糞海膽」，口感軟綿，入口鮮嫩，完全無果種好怪既腥味。每一啖都將個
味蕾推到極點，質感係相當滑溜，海水味非常豐富，發覺海膽係會令人上癮咖！
▪ 卜口 -
▫ 當然留返「大拖羅刺身」黎做最後既壽司啦，肉質肥美軟腍，而咬落果種油脂瞬間係口腔爆發出黎。
比中拖羅更加濃香，油脂同魚香更加濃郁，加上入口即溶，真係好想再黎多件呀！
♦H A N D R O L L -
▪ 手巻き 1 本 -
▫ 繼壽司之後當然要整返個「蔥拖羅蓉手卷」過下口癮啦，師傅將成個手卷整得好細緻，
放係個好靚既盒仔裡面。又忍唔住即刻相機食先，而裡面都落足料，食到黃瓜絲、芝麻，每樣層次鮮明。
吞拿魚腩加上蔥花減低油膩感，紫菜夠乾身，入口清爽，整體唔錯。
♦H O T D I S H -
▪ 熱うどん -
▫ 如果你問我烏冬同拉麵會點揀，我一定會答你「稻庭烏冬」。食左好多魚油，最後熱食你會希望
係一碗好清清地既烏冬做結尾。而呢碗烏冬口感細滑，湯底清澈鮮甜，不知不覺成碗湯比我飲哂，相當滿足。
♦D E S S E R T -
▪ デザート -
▫ 分別有兩款甜品可以試，包括「抹茶雪糕」同埋「黑糖紅豆蕨餅」，
雪糕初頭入口有冰感一流，奶味濃郁，抹茶味都算突出，夠甘香；
後者黑糖紅豆蕨餅面頭灑上黃豆粉，甜甜地，煙煙韌韌有咬口，唔錯。
张贴
