影片
更多
2023-03-30
2337 浏览
曾经有一段时间都都几钟意食自助餐，不过见自助餐嘅定价飞升得几快，所以就食少咗，然而，过去几年嘅疫情日子，就反而因为去咗好几次「宅渡假」而食多咗少少自助餐。睇番自己嘅食评，对上一次嚟「万丽咖啡厅」喺2013年3月，与同事嚟食，当喺开年饭，今次再访，啱啱好变相喺10周年纪念。 虽然时隔10年，再睇返10年前小弟嘅食评，睇落餐厅嘅环境都无乜大改动，但就依然保持到好新簇，加上柔和灯光，宽敞嘅空间，所以，整体感觉几舒服，无太大拘束感。此外，食物区都喺二字左右排开，集中晌一个范围，唔使左兜右转，亦都比较方便。今次自助餐以「海陆双飨之旅」为主题，以多种海鲜及澳洲和牛作主打，星期一至四晚计，成人收$758，星期五至日及公众假期成人收$798，另收10%服务费，晌官网预订有75折，前者折实$664.30，后者折实$678.30。饮品区晌甜品区附近放置两大部咖啡机，有多款意式咖啡供选择，另一边就放有柠檬片、鲜牛奶、数款茶包供自己由选择。 此外，本身亦包括一杯果汁或汽水。另加$168 就可以畅饮果汁、汽水、精选啤酒、气泡酒及红白酒。到临尾食甜品时，衬番杯咖啡已好足够。冷盘先讲讲冷盘同沙律，就晌食物区嘅头位，
虽然时隔10年，再睇返10年前小弟嘅食评，睇落餐厅嘅环境都无乜大改动，但就依然保持到好新簇，加上柔和灯光，宽敞嘅空间，所以，整体感觉几舒服，无太大拘束感。此外，食物区都喺二字左右排开，集中晌一个范围，唔使左兜右转，亦都比较方便。
今次自助餐以「海陆双飨之旅」为主题，以多种海鲜及澳洲和牛作主打，星期一至四晚计，成人收$758，星期五至日及公众假期成人收$798，另收10%服务费，晌官网预订有75折，前者折实$664.30，后者折实$678.30。
饮品区晌甜品区附近放置两大部咖啡机，有多款意式咖啡供选择，另一边就放有柠檬片、鲜牛奶、数款茶包供自己由选择。
此外，本身亦包括一杯果汁或汽水。另加$168 就可以畅饮果汁、汽水、精选啤酒、气泡酒及红白酒。到临尾食甜品时，衬番杯咖啡已好足够。
冷盘先讲讲冷盘同沙律，就晌食物区嘅头位，算喺选择多㖞，唔喺一般嘅冻切肉肠、烟三文鱼，而喺有莎乐美肠、自家制红菜头渍三文鱼、高柏火腿、巴马火腿、西班牙风干肉肠，有啲都喺少见，所以，就梗加要试吓。
沙律沙律吧唔止阵容都算鼎盛呀，仲有几款喺主题食物。简单讲吓先，4款沙律菜、大大少少20多款配料、4款酱汁，净睇呢度都够丰富啦。配料有阿枝竹、意大利干蕃茄、红菜头……都未必间间都有，而酱汁除咗有心水嘅蜜糖芥末，仲有一款牛油果酱。
此外，仲有7款预制好沙律，当中好以款以和牛入馔，款式包括手撕猪肉青芒果沙律、华都夫沙律、照烧三文鱼沙律、泰式烤和牛沙律、意式生和牛肉薄片、烤和牛牛扒配芒果樱桃萝卜沙律、意式和牛牛扒配薯仔沙律。听个名已好吸引，睇埋啲相真喺流晒口水。
将最心水、最精选嘅沙律同冷盘放埋一齐，造就小弟呢碟超丰富头盘，样样都有啲，够晒多元化，色彩又够缤纷，睇见都已经好醒神。冷盘嘅火腿、红菜头渍三文鱼，以及几款主题材式嘅沙律都非常之好食，食完反而可以帮助胃纳大开。
刺身、寿司、卷物连同冻海鲜，呢几个大类放晒晌近入门口嘅长枱位置，所以，特别抢眼。小弟唔喺唔钟意食刺身、寿司，只不过觉得自助餐所提供嘅一般都喺啲大路货色，不过，今次俾吓面试咗少少，因为见到啲帆立贝好靓，仲有一款烧和牛寿司。
同老友「些牙」嚟食，所以样样打孖。哗！啲帆立贝果然好新鲜，柔嫩鲜甜，吞拿鱼亦好爽口，至于烧和牛寿司都好正，寿司饭捏得紧致却唔死实，烧和牛既有肉味，又带点油香，正呀喂！
六头矶煮鲍鱼未分享到啲冰镇海鲜前，先介绍另外两款海鲜美食，就喺矶煮鲍鱼及新鲜蒸焗波士顿龙虾，呢个喺是晚嘅特别菜式，每位客人均有一客。鲍鱼会按每枱人数一并送上，讲明六头，自然有番咁上下大大只，仲加埋少少装饰，卖相好睇。而鲍鱼口感柔韧有咬口，食落鲜味中有少少类似酒香嘅味道，带点点甜。
六头矶煮鲍鱼
11 浏览
0 赞好
0 留言
至于款蒸焗波士顿龙虾则每位客人派张食物卡，自行到出面取，因为摊冻咗就唔好食，所以，一拎咗就埋位先试为快。位位都喺原只上，够晒霸气，啲龙虾非常高质素，内藏好多虾膏，味道甘腴，而拆出大大嚿龙虾肉，一啖入口，够豪气，兼且爽弹鲜甜。
新鲜蒸焗波士顿龙虾
79 浏览
1 赞好
0 留言
冰镇海鲜食自助餐最回本嘅一定喺啲冰镇海鲜，餐厅供应6款海鲜，包括：法国面包蟹、澳洲青口、长蟹脚、翡翠螺、冻海虾同波士顿龙虾，佐以几款酱汁，如鸡尾汁、柑橘香草酱、红酒醋，都几特别。就目测所见，呢啲回本嘢好抢手，但成晚都见补货甚快，完全无间断供应。
由于食过新鲜蒸焗波士顿龙虾，所以，冰镇海鲜就无拎龙虾，但一样拎满一大碟，成份海鲜拼盘咁。每一款都有其独特嘅鲜甜味，面包蟹又多膏㖞，虾肉又爽，真喺「鲜」入为主。
冰镇海鲜
101 浏览
0 赞好
0 留言
接落嚟介绍吓啲芝士先，因为小弟都真喺几钟意食芝士。是夜就供应3款芝士，包括喺古达芝士、贡佐诺拉芝士、羊奶芝士，以及一啲干果、水饼、牛油、果酱。我就好少好似啲人咁，饮住红酒，衬啲芝士，大多数都喺夹埋啲沙律一齐食，或者配面包，面包篮内就有多款细细个嘅欧陆包、香草包。
汤品汤品嘅选择比较多，除了西式嘅蕃茄忌廉汤、大式嘅莲子猪骨汤之外，最亮点莫过于佢哋嘅招牌是日炖汤，名称就无讲，但汤内有咩材料就摆晒出嚟，童叟无欺，细细盅炖汤放满料，绝对真材实料无欺场。
食完啲生冷嘢，饮啲热汤暖暖胃，并衬一衬个面包搭芝士。个炖汤喺拎到朋友试嘅，佢话超正，够火喉，汤味清甜且浓而不浊；而小弟所试嘅蕃茄忌廉汤亦唔错，好香滑，蕃茄味亦算香浓，个香草面包好软熟，3款芝士各有特色，好好食。
19 浏览
0 赞好
0 留言
即煮粉面晌自助餐嘅即煮粉面、即煮意大利面……等等，都一律少试，因为太易饱肚，不过，偶有例外，就好似今晚咁，因为喺以和牛入馔所做成嘅越南生牛肉河粉，真喺唔试都唔得，好在有朋友撑我，拎碗少少哋两个人分嚟食。
厨师阿姐话唔止用上M5级和牛，仲用上两个唔同位：肩胛位同腿部，啲牛肉真喺靠啲热汤轻灼，入口鲜嫩软滑，正到呢……，而个牛骨汤底亦记一功，鲜浓清香，绝对啖啖喺牛嘅精华。
越南生和牛牛肉河粉
76 浏览
1 赞好
0 留言
咖喱、热盘、烤肉另一个「长区」就喺摆放多种热食嘅食物区，其实，依家再慢慢睇番啲相真喺有好多选择，先一口气介绍有啲咩：咖喱羊肉、印度皇饭、焗蚝、烤薯、烤鱼、烟肉芝士焗薯、烤野菜、炸虾、蒸鳝、烤鸭、金沙骨、荷叶饭……等等，而几款主题菜就有慢煮和牛牛尾、红酒烩和牛牛面颊、黑椒蒜香和牛牛柳、四川红烧和牛牛腩；此外，烤肉类则包括烤牛肋排、烤羊腿同烤鸡，可以讲喺种类繁多。
老实讲，咁多热盘嘢，试就试唔晒架啦，亦好难话点食到回本，所以，随心拣咗啲自己喜欢嘅嘢食，不过，都喺以肉类为主，配少少野菜。啲烤肉真喺几正，无论牛肋排，抑或羊腿，都充满肉香；几款主题菜亦出色。喺当其时错过咗个「飞弗」咖喱羊！
其实，晌呢区最尾仲有个即煮摊档，烤和牛配大虎虾，不过，今日破戒咗食寿司同汤河，真喺近乎用尽啲配额，仲要预返甜品一环，所以无奈地要放弃。
生果、甜品食得几饱都好，点都要留返10%空间进击甜品嘅，睇到长长嘅食物枱放满10多款甜品，琳瑯满目，都非常吸引。又系概略介绍一下有咩甜品选择先：芒果芝士饼、奶茶奶冻、木糠布甸、红豆抹茶奶冻、朱古力挞、红豆沙汤圆、焦糖苹果蛋糕、斑兰戚风蛋糕、柚子芝士饼、杂莓挞、朱古力芝士蛋糕、红桑莓朱古力慕丝蛋糕、纯朱古力粒、糖果、曲奇……等等，绝对满足到所有甜魔嘅喜好。
挑战甜品时段就一口气拣咗9款，砌成一大碟，五颜六色，睇见都开心啦。所拣呢9款都极有水准，由于都喺拣自己最合口味嘅款式，自然觉得样样都好食，个人推介有红豆抹茶奶冻、朱古力挞、柚子芝士饼、红桑莓朱古力慕丝蛋糕、纯朱古力粒，超好食，喺让人有再翻兜嘅冲动之选。
甜品
15 浏览
0 赞好
0 留言
呢个我都好想试，不过进击完个「甜品拼盘」，真喺差唔多到顶。朋友就拎咗，所以，小弟就叉咗少少嚟试，饼皮够薄有蛋香，里面塞满芒果同士多啤梨，好清香，衬埋杯即磨咖啡就一流喇。但喺，嫌老友手紧，都唔加多啲配料嘅！
Häagen-Dazs雪糕雪糕柜里面整齐排列得满满嘅'HD雪糕，口味有忌廉曲奇、咖啡、芒果红桑莓、朱古力、云呢拿。作为最后冲刺，两杯心水口味嘅雪糕够晒喇，为今餐有个完美结束。
老实讲，食自助餐就无话一定要回唔回本，主要都系一晚之内食到好多自己心水嘅食物，有一种尽情、尽兴嘅感觉，我哋食足3个钟架，食吓倾吓，慢活人生嘛。顺带一提，呢度啲招呼几好，侍应有礼，服务殷勤，收碗碟都好快手。个人意见，如果啲食物牌加返啲中文名，可能对唔太识英文，或对食材名称唔太熟嘅人嚟讲会好少少。
张贴
